2025 වර්ෂයෙ ගත වූ මාස 08ක කාලයේ දී නීති විරෝධී මත්ද්රව්ය ළඟ තබාගත් කාන්තාවන් 1406ක් අත්අඩංගුවට ගෙන ඇතැයි තොරතුරු පනත අනුව පොලිසියෙන් කරන ලද විමසීමක දී අනාවරණය වී ඇත.
ඒ අතරින් වැඩිම පිරිසක් අත්අඩංගුවට පත්ව ඇත්තේ අයිස් ළඟ තබාගැනීම හේතුවෙනි. එම සංඛ්යාව 524 දෙනෙකි. හෙරොයින් සම්බන්ධයේන කාන්තාවන් 434ක් සහ ගංජා සම්බන්ධයෙන් ද කාන්තාව්න 378ක් අත්අඩංගුවට පත්ව ඇතැයි පොලිසිය ලබාදුන් තොරතුරුවල දැක්වේ.
2025 ජනවාරි 01 වැනි දා සිට ගත වූ මාස 08ක කාලයේ දී මත්ද්රව්ය හේතුවෙන් අත්අඩංගුවට පත් වූ කාන්තාවන් සංඛ්යාව පිළිබඳ විස්තර පහත දැක්වේ
අයිස් මත්ද්රව්ය – 524
හෙරොයින් – 434
ගංජා සම්බන්ධ – 378
මත්පෙති – 23
හෑෂ් සම්බන්ධයෙන් – 06
කෙකේන් – 02
වෙනත් මත්ද්රව්ය 39
එකතුව 1406
මෙලෙස අත්අඩංගුවට ගත් කාන්තාවන්ගෙන් වැඩි පිරිසක් වයස අවුරුදු 22ත් 50ත් අතර පසුවන අතර ඔවුන් වැඩි දෙනකු විවාහක කාන්තාවෝ වෙති. ඔවුන්ගේ ස්වාමිපුරුෂයන් ද මත්ද්රව්ය භාවිතයට හුරු වූ අය වන අතර අවිවාහක කාන්තාවන්ගේ දෙමාපියන් මත්ද්රව්ය භාවිතයට හුරුවූ අය බව ද පොලිසිය පෙන්වා දෙයි.



