දක්ෂිණ අධිවේගී මාර්ගයේ ගැලනිගම සහ කහතුඩුව අතර ප්රදේශයේ දී අද (16) අලුයම සිදු වූ අනතුරකින් කාන්තාවක මියගොස් ළමුන් තිදෙනකු ඇතුළු 06 දෙනකු තුවාල ලබා ඇතැයි පොලිසිය පවසයි.
ගාල්ල දෙස සිට කොළඹ දෙසට ධාවනය වෙමින් තිබූ ලොරි රථයක පිටුපසින් පැමිණි වෑන් රථයක් ගැටීමෙන් මේ අනතුර සිදුව ඇත.
තුවාල ලැබූ ළමුන් තිදෙනා කළුබෝවිල රෝහලට ඇතුළත් කර සිටින අතර වෑන් රථයේ රියදුරා තවත් පිරිමි පුද්ගලයකු සහ කාන්තාවන් දෙදෙනකු හෝමාගම රෝහලට ඇතුළත් කර ඇති අතර 35 හැවිරිදි කාන්තාවක් එහි දී මියගොස් ඇතැයි රෝහල් ආරංචිමාර්ග සඳහන් කරයි.
