රුපියල් 50,000 ක අල්ලසක් ලබා ගැනීමේ චෝදනාව මත නිවාස සංවර්ධන අධිකාරියේ (HDA) තාක්ෂණික නිලධාරියෙකු අල්ලස් හෝ දූෂණ චෝදනා විමර්ශන කොමිසම (CIABOC) විසින් පිටිගල ප්රදේශයේදී අත්අඩංගුවට ගෙන ඇත.
රුපියල් මිලියනයක නිවාස ණයක් සඳහා ඉල්ලුම් කළ පදිංචිකරුවෙකුගේ පැමිණිල්ලකට අනුව ඔහු අත්අඩංගුවට ගන්නා ලදී.
සැකකරු අද(15) නියාගම කොට්ඨාශ කාර්යාලයේ සංවර්ධන අංශයේදී අත්අඩංගුවට ගෙන ඇති අතර ඔහු බලපිටිය මහේස්ත්රාත් අධිකරණයට ඉදිරිපත් කිරීමට නියමිතය.
මෙම ණය මුදල ලබාදීම සඳහා අවශ්ය තාක්ෂණික සහාය සහ අනුමැතිය ලබා දීම සඳහා නිලධාරියා රුපියල් 50,000 ක මුදලක් ඉල්ලා ඇති බවට චෝදනා එල්ල වී තිබේ.
අගෝස්තු 19 වන දින පැමිණිලිකරුට පළමු වාරිකය වූ රුපියල් 146,000 ලැබුණු විට, නිලධාරියා අල්ලසක් ලෙස රුපියල් 25,000 ක් ලබා ගත් බව කියනු ලැබේ.
