2026 වර්ෂයේ දී ද පාසල් වාර පැවැත්වෙන්නේ අදියරවලට වෙන්කරමිනි. මෙලෙස අදියර වශයෙන් පැවැත්වීමට සිදුව ඇත්තේ කොරෝනා වසංගතය කාලයේ සිට උසස් පෙළ සහ සාමාන්ය පෙළ විභාග නිශ්චිත කාලයේ දී පැවැත්වීමට නොහැකි වීම හේතුවෙන් බව අධ්යාපන අමාත්යාංශ පවසයි.
ඒ අනුව ලබන වසර සඳහා වන පළමු පාසල් වාරයේ පළමු අදියර ජනවාරි 01 වැනි දා ආරම්භ වුව ද පෙබරවාරි 13 වැනි දා එම අදියර අවසන් කර මාර්තු 02 වැනි දා දක්වා නිවාඩු ලබා දීමට තීරණය කර ඇත.
පළමු පාසල් වාරයේ දෙවන අදියර මාර්තු 03 වැනිදා ආරම්භ වන අතර එය අප්රේල් 10 දක්වා ක්රියාත්මක කර සිංහල හින්දු අලුත් අවුරුද්ද වෙනුවෙන් අප්රේල් මස 11 වැනි දා සිට 19 වැනි දා දක්වා පාසල්වලට නිවාඩු ලබාදීමට තීරණය කර ඇත.
දෙවැනි පාසල් වාරයේ පළමු අදියර අප්රේල් මස 20 වැනි දින ආරම්භ වී එය ජූලි 24 වැනි දා අවසන් වීමට නියමිතය.
ඉන්පසු තෙවැනි පාසල් වාරයේ පළමු අදියර ජුලි 27 වැනිදා සිට අගෝස්තු 07 වැනිදා දක්වා පැවැත්වෙයි.
අගෝස්තු 08 වැනිදා සිට සැප්තැම්බර් 06 වැනිදා දක්වා පාසල් වලට නිවාඩු ලබා දීමට නියමිත ය. තුන්වැනි පාසල් වාරයේ දෙවන අදියර සැප්තැම්බර් 07 සිට දෙසැම්බර් 04 වැනිදා තෙක් පැවැත්වෙන බව අධ්යාපන අමාත්යාංශය ප්රකාශ කරයි.
