හිටපු අමාත්ය කෙහෙළිය රඹුක්වැල්ලගේ පුද්ගලික ලේකම්වරයා ලෙස කටයුතු කර ඇති ඔහුගේ පුත්රයා විසසින් මාස 18ක කාලයක දී රුපියල් කෝටි 27කට වැඩි වත්කම් උපයාගෙන ඇතැයි අල්ලස් හෝ දූෂණ පිළිබඳ කොමිෂන් සභාව අධිකරණයට කරුණු වාර්තා කර ඇත.
රමිත් රඹුක්වැල්ල නමැති ඔහු මෙම මුදල් උපයාගත් ආකාරය හෙළිදරව් කිරීමට නොහැකි වී ඇතැයි ද එම කාලයේ දී රුපියල් කෝටි 27කට අධික වියදමක් දරමින් කොළඹ නගරයේ මහල් නිවාස සංකීර්ණවලින් නිවාස මිල දී ගැනීම, සුඛෝපභෝගී නවීන පන්නියේ මෝටර් රථ මිල දී ගැනීම, තම නමින් සහ බිරිඳගේ නමින් බැංකුවල ස්ථාවර තැන්පත් ගිනුම් ආරම්භ කිරීම කර ඇතැයි අධිකරණය හමුවේ ගොනුකර ඇති නඩුවේ සටහන් කර ඇත.
