අයිස් මත්ද්රව්ය නිෂ්පාදනයට ගෙන්වන ලදැයි සැකකරන රසායනික ද්රව්ය සම්බන්ධයෙන් පරීක්ෂණ වාර්තාව ඉදිරි දින දෙකක කාලයේ දී ලබාදීමට හැකිවනු අතැයි අන්තරායකර ඖෂධ පාලක ජාතික මණ්ඩලය පවසයි.
පසුගිය දා ඉන්දුනීසියාවේ දී අත්අඩංගුවට ගත් සංවිධානාත්මක අපරාධ කල්ලි සාමාජිකයන් බවට සැකකරන පුද්ගලයන්ගෙන් ලැබුණු තොරතුරු අනුව බව පවසමින් මිද්දෙණිය ප්රදේශයේ ඉඩමකින් රසායනික ද්රව්ය තොගයක් සොයාගෙන තිබිණි. ඉන්පසු තංගල්ලේ නොටොල්පිටියේ ඉඩමකින් ද කඳාන ප්රදේශයේ දී ද එවැනිම රසායනික ද්රව්ය තොගයක් සොයා ගැණිනි.
අන්තරායකර ඖෂධ පාලක ජාතික මණ්ඩලයේ සභාපති වෛද්ය ඉන්දික වන්නිනායක පවසන්නේ දැනටමත් එම රසායනික ද්රව්යවල සාම්පල පිළිබඳ පරීක්ෂණ කටයුතු ආරම්භ කර ඇති බවයි. ඒ අනුව එහි වාර්තාව තව දින දෙකකින් ලබාදිය හැකි බව ද හෙතෙම කීවේය.
