නේපාල රජය විසින් පනවා ඇති සමාජ මාධ්ය තහනම ඉවත්කරන්න යැයි ඉල්ලා එරට දී සිදුකරන උද්ඝෝෂණවල දී විරෝධතාකරුවන් සහ හමුදා අතර ඇති වූ ගැටුම්වල දී 13 දෙනකු මියගොස් තවත් පිරිසක් තුවාල ලබා ඇතැයි විදෙස් මාධ්ය වාර්තා කරයි.
Facebook, X සහ YouTube ඇතුළු සමාජ මාධ්ය අවකාශ සහ සන්නිවේදන යෙදුම් 26ක් තහනම් කිරීමට එරට රජය ගත් තීරණයට එරෙහිව කත්මණ්ඩු හි පාර්ලිමේන්තු ගොඩනැගිල්ල අසළ විශාල පිරිසක් විරෝධතාවල නිරතවූහ. ඔවුන් පාර්ලිමේන්තු ගොඩනැගිල්ලට කඩා වැදීමට උත්සාහ කිරීමත් සමඟ නේපාල පොලිසිය එම විරෝධතාකරුවන් විසුරුවා හැරීමට කඳුළු ගෑස් සහ රබර් උණ්ඩ ප්රහාර එල්ල කර ඇත.
විරෝධතාකරුවන් තමන් ‘Z’ පරපුර ලෙස හඳුන්වාගනිමින් මේ විරෝධතා ආරම්භ කර ඇත.
