කළුතර සභාවේ පඩි සල්ලි සොරා ගත්තා යැයි දෙදෙනකු අත්අඩංගුවට

කළුතර ප්‍රාදේශීය සභාවේ සේවකයන්ගේ වැටුප්වලින් මුදල් වංචා කළ බව කියන එම සභාවේ නිලධාරිනියක සහ රියදුරකු අත්අඩංගුවට ගත් බව කළුතර විශේෂ අපරාධ විමර්ශන ඒකකය පවසයි.
ඔවුන්ට එල්ල වී ඇති චෝදනාව වන්නේ වසර හතරකට ආසන්න කාලයක දී රුපියල් 12,000,000.00කට වැඩි මුදලක් වංචා කර ඇති බවයි.
සැකකාරිය කළුතර බෝඹුවල පදිංචිකාරියක වන අතර සැකකරු වාද්දුව ප්‍රදේශයේ පදිංචිකරුවෙකි.
කළුතර ප්‍රාදේශීය සභාවේ ලේකම්වරයා විසින් කරන ලද පැමිණිල්ලක් අනුව විමර්ශනයක් පැවැත්වීමෙන් පසු ඔවුන් දෙදෙනා අත්අඩංගුවට ගත් බව පොලිසිය පවසයි. දැනට මේ දෙදෙනාගේ සේවය අත්හිටුවා ඇති අතර ඔවුන් මහේස්ත්‍රාත් අධිකරණයට ඉදිරිපත් කිරීමට නියමිතය.