හිටපු රාජ්ය අමාත්ය ශෂීන්ද්ර රාජපක්ෂ ලබන 19 වැනි දා රිමාන්ඩ් කරන්න යැයි කොළඹ ප්රධාන මහේස්ත්රාත් තනූජා ලක්මාලි ජයතුංග අද (06) නියෝග කළාය.
මහවැලි අධිකාරියට අයත් සෙවනගල, කිරිඉබ්බන් වැව ප්රදේශයේ පිහිටි ඉඩමක අනවසරයෙන් ඉදිකර ඇතැයි කියන ගොඩනැගිල්ලක් ඇතුළු දේපළ කිහියක් 2022 මැයි මස 09 වැනි දින ජනතා අරගලයේ දී හානියට පත්ව තිබිණි.
මෙම දේපළ මහවැලි අධිකාරිය සතු බවට හඳුනාගෙන අදාළ වන්දිගෙවීම ප්රතික්ෂේප කර තිබිය දී ඊට විරුද්ධව යමින් හානි පූර්ණය සඳහා වන කාර්යාලයට අනුයුක්තව කටයුතු කළ රජයේ නිලධාරීන්ට බලපෑම් කර ඇතැයි ඔහුට එරෙහිව චෝදනා එල්ල කර තිබිණි.
මහවැලි අධිකාරිය සතු දේපළක් සාපරාධී සාවද්ය පරිහරණය තුළින් 1999 අංක 28 දරණ පනතින් සංශෝධිත 1982 අංක 12 දරණ පොදු දේපොළ විෂයෙහි සිදුකරනු ලබන වැරදි පිළිබඳ 5(1) වගන්තිය යටතේ දඩුවම් ලැබිය හැකි වරදක් සම්බන්ධයෙන් ශෂීන්ද්ර රාජපක්ෂ අත්අඩංගුවට ගෙන තිබිණි. එමෙන් ම වන්දි ලබාගැනීමෙන් දූෂණය නමැති වරද සිදුකිරීම සහ කුමන්ත්රණය කිරීම යන චෝදනා ද ඔහුට එරෙහිව එල්ල කර ඇත.
අල්ලස් කොමිෂන් සභාවේ නිලධාරීන් සහ විත්තිකරුගේ නීතිඥයන් ඉදිරිපත් කරන ලද කරුණු සළකා බැලූ මහේස්ත්රාත්වරිය මෙම නියෝගය ලබාදුන්නාය.
