ශ්රී ලංකාවේ 49 වන අග්රවිනිශ්චයකාරවරයා ලෙස ශ්රේෂ්ඨාධිකරණ විනිසුරු ප්රීති පද්මන් සූරසේන අද (27) උදෑසන ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා ඉදිරියේ දිවුරුම් දුන්නේය.
හිටපු අගවිනිසුරු මුර්දු ප්රනාන්දුගේ විශ්රාම යාමෙන් ඇති වූ පුරප්පාඩුව සඳහා විනිසුරු සූරසේනගේ නම පසුගියදා ආණ්ඩුක්රම ව්යවස්ථා සභාව විසින් අනුමත කරන ලදී.
1989 දී නීතිඥ මණ්ඩලයට එක්වීමෙන් පසු, ප්රීති පද්මන් සූරසේන රජයේ නීතිඥවරයෙකු ලෙස නීතිපති දෙපාර්තමේන්තුවට සම්බන්ධ වී 2007 දී මහාධිකරණ විනිසුරුවරයෙකු ලෙස පත් කරන ලදී.
2016 දී ඔහු අභියාචනාධිකරණ විනිසුරුවරයෙකු ලෙස පත් කරන ලද අතර, 2018 දී අභියාචනාධිකරණයේ සභාපති බවට පත් වූ අතර, 2019 දී ශ්රේෂ්ඨාධිකරණ විනිසුරුවරයෙකු බවට පත්විය.
එතැන් සිට, ප්රීති පද්මන් සූරසේන ශ්රේෂ්ඨාධිකරණ විනිසුරුවරයෙකු ලෙස සේවය කළ අතර, හිටපු අගවිනිසුරු මුර්දු ප්රනාන්දුගෙන් පසු ජ්යෙෂ්ඨතම ශ්රේෂ්ඨාධිකරණ විනිසුරුවරයා විය.
දිවුරුම් දීමේ උත්සවයට ජනාධිපති ලේකම් නන්දික සනත් කුමානායක ද සහභාගී විය.
