දේශබන්දු තෙන්නකෝන් සිය පොලිස්පති ධූරයේ බලතල අනිසි ලෙස භාවිතා කර ඇත්දැයි සෙවීමට පත්කර ඇති පාර්ලිමේන්තු කමිටුව අද (16) සිට දිනපතා රැස්වීමට නියමිතය.
ඒ අනුව පොලිස්පති දේශබන්දු තෙන්නකෝන් මහතා අද සිට එම කමිටුව රැස්වන සෑම දිනකම පාර්ලිමේනතුවට යාමට නියමිතය.
ශ්රේෂ්ඨාධිකරණ විනිසුරු පී.පී. සූරසේනගේ සභාපතිත්වයෙන් යුත් කමිටුවේ අනෙකුත් සාමාජිකයන් ලෙස විනිසුරු ඩබ්ලිව්.එම්.එන්.පී. ඉද්දවල සහ ජාතික පොලිස් කොමිෂන් සභාවේ සභාපති ඊ.ඩබ්ලිව්.එම්. ලලිත් ඒකනායක කටයුතු කරති.
එම පරීක්ෂණ කමිටුව මීට පෙර අවස්ථා කිහිපයකදි රැස්වී දේශබන්දු තෙන්නකෝන් ඇතුළු කිහිපදෙනෙකුගෙන්ම සාක්ෂි සටහන් කරගනු ලැබුවේ ය.
