ඊශ්‍රායලයේ හමුදා කඳවුරු සහ ගුවන්තොටුපොළ ඉලක්ක කරගනිමින් ඉරානය විසින් බැලස්ටික් මිසයිල සහ ඩ්‍රෝන ප්‍රහාර එල්ල කර ඇත.
ඊයේ (13) රාත්‍රී ඉරානය විසින් මෙම ප්‍රහාරය එල්ලකරන්නේ ඊශ්‍රායලය විසින් ඉරානයට එල්ල කළ ගුවන් ප්‍රහාර මාලාවට ප්‍රතිචාර දැක්වීමක් ලෙස බව ඉරානයේ නායකයා වන අයතුල්ලා අල් කමෙනි කියා සිටියේ ය.
ඊශ්‍රායල ආරක්ෂක හමුදාව ඊයේ (13) ඉරාන අගනුවර වන ටෙහරාන හා නටාන්ස් න්‍යෂ්ටික භූමිය ඇතුළු ප්‍රදේශ කිහිපයකට එල්ල කළ ගුවන් ප්‍රහාර මාලාවෙන් ඉරාන හමුදා ප්‍රධානීන් තිදෙනෙකු, විද්‍යාඥයින් හය දෙනෙකු මියගොස් තවත් 300කට අධික පිරිසක් තුවාල ලබා ඇතැයි වාර්තා විය.
ඉරානය එල්ල කළ ප්‍රති ප්‍රහාරයෙන් ජෙරුසලමේ පිපිරීම් කිහිපයක් සිදුව සිදු වූ බවත්, ඊශ්‍රායල් අගනුවර වන ටෙල්අවිව්හි අහස උසට කළු දුමාරයක් නැඟී ඇති බවත් විදෙස් මාධ්‍ය වාර්තා කරයි.
මෙම ප්‍රහාරවලින් ඊශ්‍රායල වැසියන් 40කට අධික සංඛ්‍යාවක් තුවාල ලබා ඇති බවත්, ඔවුන්ගෙන් දෙදෙනෙකුගේ තත්ත්වය බරපතළ දැනට තොරතුරු ලැබී ඇත.
ඊශ්‍රායලයේ රාමත්ගාන් නගරයට එල්ල වූ ඉරාන මිසයිලයකින් එහි ගොඩනැගිල්ලක් සම්පූර්ණයෙන් විනාශ වී ඇත.
මෙම ප්‍රහාරය එල්ල කිරීමෙන් පසු ඉරාන වැසියන් වීදි බැස සිය සතුට ප්‍රකාශ කරන ආකාරය ද විදෙස් මාධ්‍යවල ප්‍රචාරය කෙරිණි.
