බේරුවල ධීවර වරාය ආසන්නයේ කොඩි එල්ලමින් සිටි පිරිසක් සහ පොලිසිය අතර ඇති වූ ආරවුලක්දුරදිග යාමෙන් පොලිස් නිලධාරීන් තිදෙනකු තුවාල ලබා රෝහල්ගතකර ඇත.
පිරිසක් වාහනයක නැගී කොඩි එල්ලමින් සිට ඇති අතර මාර්ගය අවහිර නොකරන්න යැයි පොලිස් නිලධාරීන් ඔවුන්ට උපදෙස් දුන් අවස්ථාවේ දී ඇති වූ බහින්බස් වීමක් දුරදිග යාමෙන් මෙම ගැටුම හටගෙන ඇත.
පහරදීමෙන් බේරුවල පොලිසියේ අපරාධ විමර්ශන අංශයේ ස්ථානාධිපති ඇතුළු නිලධාරීන් තිදෙනකු තුවාල ලබා නාගොඩ රෝහලට ඇතුළත් කර ඇති අතර පිරිස පාලනය කිරීම සඳහා අහසට වෙඩි තැබූ බව ද පොලිසිය පවසයි.
මෙම පහරදීමට සැකපිට පුද්ගලයන් පස් දෙනකු අත්අඩංගුවට ගෙන ඇත.
