යුද්ධයෙන් පීඩි විඳින ගාසා තීරයේ ජනතාව වෙනුවෙන් අත්යාවශ්ය ඖෂධ ඇතුළු ආධාර තොගයක් රැගෙන යාත්රා කරමිින් තිබූ “මැඩ්ලීන්” නෞකාව ඊශ්රායල් හමුදාව විසින් ඔවුන්ගේ ග්රහණයට ගෙන ඇතැයි වාර්තා වේ.
මෙම යාත්රාව ඉතාලියේ සිසිලියා දූපතෙන් ගමන් ආරම්භ කළ අතර එම නෞකව සමඟ තිබූ සියලු සම්බන්ධතා මේ වනවිට බිඳ වැටී ඇතැයි එම ආධාර තොගය සම්බන්ධීකරණය කළ ෆ්රීඩම් ෆ්ලෝටිලා සන්ධානය ප්රකාශ කර ඇත.
නෞකාවේ රැඳී සිටි පුද්ගලයින් දෑත් ඉහළට ඔසවාගෙන සිටින ආකාරය දැක්වෙන ඡායාරූපයක් ද සමාජ මාධ්ය ඔස්සේ පළ කර ඇති බව සඳහන්ය.
යාත්රාව ආරක්ෂිතව ඊශ්රායල වෙරළට ගමන් කරන බව ඊශ්රායල විදේශ අමාත්යාංශය ප්රකාශ කර තිබේ.
මෙම යාත්රාව ආපසු හැරී යා යුතුයැයි ඊශ්රායල ආරක්ෂක අමාත්යවරයා මීට පෙර ප්රකාශ කර තිබූ බව ජාත්යන්තර මාධ්ය පවසයි. ඊශ්රායලය පවසන්නේ හමාස් සටන්කාමීන්ට ආයුධ පැමිණීම වැළැක්වීම සඳහා මෙවැනි යාත්රා හරවා යැවීමට සිදුවන බවයි.
