නයිජීරියාවේ මධ්‍යම හටගත් ධාරානිපාත වර්ෂාව හේතුවෙන් ඇති වූ ගංවතුරෙන් අවම වශයෙන් පුද්ගලයින් 110 දෙනෙකු මිය ගොස් තිබේ.
වර්ෂාපතනය පැය කිහිපයක් පැවති බව නයිජර් ප්‍රාන්ත හදිසි කළමනාකරණ ඒජන්සිය පවසයි.
“ඉහළ යන ගංවතුරින් නිවාස 50 කට අධික සංඛ්‍යාවක් ජලයෙන් යටවී ඒවායේ පදිංචිකරුවන් සමඟ ගසාගෙන ගොස් ඇති” බව ඔවුහු තවදුරටත් පැවසූහ.
මොක්වා නගරයේ ටිෆින් මාසා සහ අඟුවාන් හවුසාවා දිස්ත්‍රික්කවලට වඩාත්ම බලපෑම් එල්ල විය.
සෝදිසි කිරීමේ සහ ගලවා ගැනීමේ මෙහෙයුම් තවමත් සිදුවෙමින් පවතින අතර තවත් බොහෝ පිරිසක් තවමත් අවදානමට ලක්ව සිටින බව බලධාරීන් පවසයි.
මේ නයිජීරියාවේ වැසි සමයේ ආරම්භයයි. බලධාරීන් පවසන්නේ මෙවැනි ගංවතුර තත්ත්වයක් මෑත ඉතිහාසයේ ඇතිවී නොමැති බවයි.
2024 දී උතුරු නයිජීරියාවේ බොහෝ ප්‍රදේශවලට අධික වර්ෂාපතනයක් සහ ගංවතුරක් ඇති වූ අතර එමඟින් මරණ, අවතැන්වීම් සහ නිවාස හා යටිතල පහසුකම් විනාශ විය.
2022 දී රට දරුණු ගංවතුරකට ද ගොදුරු වූ අතර, එමඟින් මිලියන 1.3 ක පමණ ජනතාවක් නිවාස වලින් ඉවත් කිරීමට සිදු වූ අතර 600 කට වැඩි පිරිසක් මිය ගියහ.
