අධික වර්ෂාව හේතුවෙන් පකිස්තානයේ පුද්ගලයන් 19 දෙනකු මේ වනවිට මියගොස් ඇතැයි විදෙස් මාධ්ය වාර්තා කරයි.
තුවාල ලබා රෝහල්ගත කර ඇති පිරිස 100කට ආසන්නය.
පකිස්තානයේ ඊසාන දිග සහ නිරිතදිග ප්රදේශවලට තද වැසි පතිත වෙමින් පවතින අතර ලාහෝර්, ජෙලම්, සියල්කොට් සහ මුසෆරගාර් ප්රදේශවලින් මරණ වාර්තා වී ඇත.
ඊසාන දිග පන්ජාබ් සහ වයඹදිග කයිබර් ෆක්ටන්ක්වා ප්රදේශවලට දැඩි බලපෑම් එල්ල වී ඇති බව සඳහන් වේ. නිවාස රැසකට ද අලාභ හානි සිදුව ඇතර පහත් බිම් ප්රදේශ ජලයෙන් යට වී පවති. එමෙන් ම ඇතැම් ප්රදේශව විදුලිය ද විසන්ධි වී ඇත.
