වනජීවී දෙපාර්තමේන්තුව අලි පන්නද්දී අතරමං වූ අලි පැටවකු ගම්වාසීන් විසින් අල්ලාගෙන අද (09) වනජීවී දෙපාර්තමේන්තුවට ම භාර දී ඇත.
මෙම අලි පැටව කොට්ටුදච්චිය ප්රදේශයේ වෙල් යායක සිටිය දී අල්ලාගෙන ඇත.
වනජීවී දෙපාර්තමේන්තුව පවසන්නේ එම අලි පැටවා මාස 03ක් පමණ වයසැති පැටවකු බවයි.
වනජීවි නිලධාරීන් විසින් අලි පැටවාව නිකවැරටිය වනජීවි පශු වෛද්ය ඒකකයට භාරදීමට කටයුතු කර ඇත. පුත්තලම දිස්ත්රික්කයේ ගම්වැදී සිටින අලි නැවත වනයට පළවා හැරීම් සිදුකරන බැවින් එලෙස පළවාහරින අලි රංචුවක සිටි පැටවකු අතරමංවන්නට ඇතැයි වනජීවී දෙපාර්තමේන්තුව පවසයි.
