“සත්ව සංගණනය කරන්නේ නිවැරදි දත්ත ගැනීමට නොවේ” – රජය කියයි

සත්ව සංගණනය සිදුකරන්නේ නිවැරදි දත්ත අපේක්ෂාවෙන් නොවේ යැයි කෘෂිකර්ම නියෝජ්‍ය අමාත්‍ය නාමල් කරුණාරත්න පවසයි.

මෙම දත්ත යොදාගන්නේ කෘෂිකාර්මික ඵලදායීතාව වැඩිකරගැනීමට බව ඔහු කියා සිටියේය. ඔහු මෙවැනි අදහස් පළකිරීමක් කළේ අද දෙරණ නාලිකාවේ වැඩසටහනකට සහභාගී වෙමිනි.

“මෙම සංගණනය කළත් අපිට තවත් වටයකින් මේ ගැන බලන්න වේවි. තවත් වේලාවක් දාන්න වේවි. සතුන් කොපමණ ඉන්නවා ද කියන එක සම්බන්ධයෙන් යම් අදහසක් අපිට ගන්න පුළුවන්. නමුත් එය 100%ක් නිවැරදි දත්ත කියා කියන්න අමාරුයි. මේ සම්බන්ධ දත්ත අපිට තියෙන්න ඕන. එවිට අපිට පුළුවන් රටක සත්තු ගැන අධ්‍යයනයක් කරන්න. සංකීර්ණ තාක්ෂණික ක්‍රමවේදවලට අපිට යයන්න විදියක් නෑ. අපි ඒ තරමට දියුණු වෙලා නෑ. ඒ විදියට කරන්න අපිට ලොකු වියදමක් යනවා. මේ කරන්නේ සහභාගීත්ව සමීක්ෂණයක්.”