දිවයින පුරා ඇදහැලෙන ධාරානිපාත වර්ෂාව හේතුවෙන් සිදුවූ අනතුරු වලින් පුද්ගලයන් දෙදෙනෙකු මියගොස් ඇතැයි වාර්තා වේ. ආපදා කළමනාකරණ මධ්‍යස්ථානය පවසන්නේ අයහපත් කාළගුණික තත්ත්වය හේතුවෙන් දිස්ත්‍රික්ක 17 ක පවුල් 27,381 ක පුද්ගලයින් 91,101 දෙනෙකු පීඩාවට පත්ව ඇති බවයි.
පොළොන්නරුව සහ බදුල්ල දිස්ත්‍රික්කවල ජීවිත හානි වාර්තා වූ අතර යාපනයේ දැඩි සුළං හේතුවෙන් තිදෙනෙකු තුවාල ලබා ඇත. එක් නිවසක් සම්පූර්ණයෙන්ම විනාශ වී ඇත.
බලපෑමට ලක් වූ දිස්ත්‍රික්කවලට ඌව සහ දකුණු පළාත්වල ප්‍රදේශ, අම්පාර, මඩකලපුව, මාතලේ සහ නුවරඑළිය ඇතුළත් වේ.
DMC විසින් පවුල් 252 ක පුද්ගලයින් 876 දෙනෙකුට තාවකාලික සුරැකුම් ස්ථාන 13 ක් පිහිටුවා ඇත.
මේ අතර නිවාස 204 කට හානි සිදුවීම හේතුවෙන් පුද්ගලයින් 17,247 දෙනෙකු ඥාතීන්ගේ රැකවරණය පතා ඇත.
අවතැන් වූවන්ට සහන සැලසීමට සහ අයහපත් කාලගුණයෙන් සිදු වූ හානි තක්සේරු කිරීමට සහන කටයුතු සිදු කෙරේ.
