ප්‍රවීණ ගායන ශිල්පී ප්‍රියා සූරියසේන මහතා අභාවප්‍රාප්ත වූයේ ය. මියයනවිට 80 වැනි වියේ පසු වූ ප්‍රියා සූරියසේන ජාතික රෝහලේ ප්‍රතිකාර ලබමින් සිටිය දී අද (24) උදෑසන මියගිය බව ඥාතීන් පවසයි.
1944 ඔක්තෝම්බර් මස 27 වැනිදා උපත ලැබූ ඒ මහතා පාසලේ ඉගෙනුම ලබන අවස්ථාවේ සිටම සංගීත විෂයක් ලෙස හදාරා ඇති අතර පසු කලෙක ගුවන් විදුලි සංස්ථාව හා එක් වී ‘ඒ’ ශ්‍රේණියේ සරල ගී ගායකයකු ලෙස කටයුතු කර තිබේ. පසුව ගුරු වෘත්තියට පිවිසි හෙතෙම සංගීත ගුරුවරයකු ලෙස පාසල් කීපයක සේවය කර ඇත.
“සරතැස නිවා” ගීතය ඔහුගේ මුල්ම ගීතය වන අතර “කැන්දන් යන්නම් රන්මල් මාලා දාලා..” “අඳුර අඳුර මගේ..” කිරි සයුරේ රැළි, සුදු පරවි රෑන සේ, රටකින් එහා ආදි වශයෙන් ඉමහත් ජනප්‍රිය ගීත රාශියක් ගයා ඇත.
