දහම් පාසල්වලට බාධා එල්ලවන ආකාරයේ කිසිදු වැඩසටහනක් පාසල්වල සංවිධානය නොකරන්න යැයි අධ්‍යාපන අමාත්‍යාංශය සියලුම රජයේ පාසල්වලට දැනුම් දී ඇත.
බුද්ධ ශාසන, ආගමික හා සංස්කෘතික කටයුතු අමාත්‍යාංශය, අධ්‍යාපන අමාත්‍යාංශයෙන් කරන ලද ඉල්ලීමක් අනුව මෙම දැනුම් දීම කර ඇතැයි අධ්‍යාපන අමාත්‍යාංශයේ අතිරේක ලේකම් (පාසල් ක්‍රියාකාරකම්) පී.ආර්.කාරියවසම් නිකුත් කළ ලිපියේ දැක්වේ.
පාසල් සිසුන් දහම් පාසල් ක්‍රියාකාරකම් සඳහා සහභාගී කරවාගැනීමේ වැදගත් කම අවධාරණය කරන ලෙස බුද්ධ ශාසන අමාත්‍යාංශයෙන් මෙම ඉල්ලීම කර ඇත. දහම් පාසල් කාලසටහන් සකස් කිරීම සම්බන්ධයෙන් ද විවිධ පාර්ශවවලින් ඉල්ලීම් කිහිපයක් ඉදිිරිපත් වී ඇති බව ද එම ලිපියේ සඳහන් කර ඇත.
පාසල් වැඩසටහන් පැවැත්වීමට අවශ්‍ය නම්, එම වැඩසටහන් දහම් පාසල් වේලාවන් සමඟ නොගැටෙන ලෙස අධ්‍යාපන අමාත්‍යාංශය ඉල්ලා සිටී. ඉරිදා දිනවල වැඩසටහන් සංවිධානය කිරීමෙන් වැළකී සිටීමට අවශ්‍ය සියලු පියවර ගන්නා ලෙසද පාසල්වලට උපදෙස් දී ඇත.
ලිපියේ අන්තර්ගතයත් සමග මාතෘකාව ගැළපෙනවද,
මාතෘකාවෙන් නම් ියවෙන්නේ පාසල් අධ්‍යාපනය සම්බන්ධ දේවල්
Title vs content
ඒකෙ වරදක් නෑ.දහම් පාසලේ දහම් උගන්වන එක නවත්වලා ඒක පාසලට භාර දීලා උගත් දහම ප්‍රායෝගිකව පුහුණු කිරීම දහම් පාසලට පවරන්න පුළුවන් නම්, අන්න වඩාත් හොඳයි.