ශ්‍රී ලංකාවට සංචාරක තහනමක් නොමැති බවත්, ප්‍රංශය, ඉතාලිය, මාලදිවයින සහ අනෙකුත් ජනප්‍රිය ගමනාන්තවලට සමානව ශ්‍රී ලංකාව සඳහා වන ආරක්ෂක උපදේශන දෙවන මට්ටමේ පවතින බව ශ්‍රී ලංකාවේ එක්සත් ජනපද තානාපතිනී ජුලී චන්ග් පැවසීය.
කෙසේවුවද ආරුගම්බේ ප්‍රදේශයේ සංචාරක ස්ථානවලට එල්ල විය හැකි ප්‍රහාරයක් පිළිබඳ විශ්වාසදායක තොරතුරු හේතුවෙන් එම ප්‍රදේශයට නැවත දැනුම් දෙනතුරු ගමන් නොකරන ලෙස ඇමරිකානු සංචාරකයන්ට නිවේදනයක් නිකුත් කළ බවද ඇය පවසා සිටියාය.
“ආරුගම් බොක්ක ප්‍රදේශයේ නිශ්චිත තර්ජනයක් පිළිබඳව අප දැනුවත් වූ විට, අප මෙම තොරතුරු ශ්‍රී ලංකා බලධාරීන් සමඟ බෙදා ගත්තා. ඔවුහු ඉක්මනින් ප්‍රතිචාර දැක්වූවා. අපි ඔවුන් සමඟ දිනපතා ක්‍රියාකාරීව සම්බන්ධීකරණය කරමින් සිටින අතර, ශ්‍රී ලංකාව සමඟ අපගේ හවුල්කාරිත්වය අපි අගය කරනවා. නායකත්වයේ සහ ආරක්ෂක නිලධාරීන්ගේ, ආරක්ෂාව සහ විනිවිදභාවය සඳහා කැපවීම කැපී පෙනේ. ශ්‍රි ලංකාවට කිසිසේත්ම සංචාරක තහනමක් පනවලා නැහැ. පසුගිය සතියේ අප ආරක්ෂක අනතුරු ඇඟවීම සිදුකළේ ඇමරිකානු පුරවැසියන්ට ආරුගම්බේ යන්න එපා කියලා.” ඇය පැවසුවාය.
