‘සුරක්ෂා’ සිසු රක්ෂණ වැඩසටහන අද(01) සිට යළි ආරම්භ කරන බවත් දිවයින පුරා පිහිටි සියලුම පාසල්වල සිසුන්ට නැවත වරක් මෙම රක්ෂණ ක්‍රමයේ ප්‍රතිලාභ හිමිවන බවත් අධ්‍යාපන අමාත්‍ය සුසිල් ප්‍රේමජයන්ත මහතා පවසයි.
සුරක්ෂා යෝජනා ක්‍රමය මගින් සිසුන් මිලියන 4.5 ක් ආවරණය වන අතර සෞඛ්‍ය, හදිසි අනතුරු සහ ජීවිත රක්ෂණ පිරිනැමේ.
සෞඛ්‍ය ප්‍රතිලාභ රු. 300,000දක්වා වන අතර නේවාසික ප්‍රතිකාර සඳහා රු. 20,000ක් සහ බාහිර රෝගී සේවා සහ බරපතල රෝග ආවරණය සඳහා රු. මිලියන 1.5 ක් මෙහිදී ලබා දෙයි.
හදිසි අනතුරු රක්ෂණය රු. 25,000 සිට රු. 200,000 දක්වා ආවරණයක් සහිතය. ජීවිත රක්ෂණය එක් දරුවකු සඳහා රු.75,000 ක් වන අතර දෙමව්පියෙකු මිය ගියහොත් උපරිමය රු225,000ක උපරිමයක් දක්වා හිමිවේ.
ඒ අනුව රජය විසින් රු. ‘සුරක්ෂා’ ශිෂ්‍ය රක්ෂණ වැඩසටහන සඳහා වසර තුනකට රුපියල් මිලියන 7.1ක් යොදවා ඇත.
මේ සඳහා, අධ්‍යාපන අමාත්‍යාංශය ශ්‍රී ලංකා රක්ෂණ සංස්ථාව සමඟ ගිවිසුමක් අත්සන් කළ අතර, අද සිට ප්‍රතිලාභ අන්තර්ජාල වේදිකාවක් හරහා ලබා දෙනු ඇත.
