තායිවානයේ නැගෙනහිර වෙරළට ඔබ්බෙන් හටගත් රිච්ටර් මාපක 7.4 ක ප්‍රබල භූමිකම්පාව හේතුවෙන් නව දෙනකු මියගොස් 800ක් පමණ තුවාල ලබා ඇතැයි වාර්තා වේ. ජාතික වනෝද්‍යානයකට යමින් සිටි 50 දෙනකු පමණ අතුරුදන් වී ඇතැයි ද බලධාරීහු පවසති.
අද(03) පෙරවරු 8.00ට පමණ හටගත් මෙම භූමිකම්පාවේ අපිකේන්ද්‍රය Hualien නගරයට කිලෝමීටර් 18 ක් (සැතපුම් 11) පමණ දකුණින් පිහිටා ඇත. දිවයින පුරා කම්පනය දැනී ඇති අතර බොහෝ ගොඩනැගිලි ඇලවී තිබෙනු දැකිය හැකිය.
භූමිකම්පාවෙන් පසු තායිවානයේ මධ්‍යම කාලගුණ පරිපාලනය සුනාමි අනතුරු ඇඟවීමක් නිකුත් කළේයඋතුරු වෙරළබඩ ප්‍රදේශයට සුනාමියක් බලපෑ හැකි බවට අනතුරු අඟවමින්, නිවැසියන්ට උස් බිම් වෙත ඉවත් වන ලෙස උපදෙස් නිකුත් කරනු ලැබීය.
ජපානයේ කාලගුණ විද්‍යා ඒජන්සිය ද මියාකොජිමා සහ ඔකිනාවා දූපත් සඳහා සුනාමි අනතුරු ඇඟවීමක් ද නිකුත් කර ඇති අතර, මීටර් 3 ක් දක්වා උස රළ පිළිබඳ අනතුරු ඇඟවීමක් නිකුත් කළේය. පසුව මෙම සුනාමි අනතුරු ඇඟවීම් ඉවත් කරන ලදී.
ප්‍රධාන භූ කම්පනයට අමතරව තායිවානයට පසු කම්පන කිහිපයක් ද දැනී ඇත.
මධ්‍යම කාලගුණ පරිපාලනයේ ප්‍රකාශකයෙකුට අනුව වසර 25 කට පසු දිවයිනට බලපෑ ප්‍රබලම භූමිකම්පාව මෙය වේ. 1999 දී, තායිපේ සිට සැතපුම් 93 ක් (කිලෝමීටර් 150 ක්) දකුණින් රික්ටර් පරිමාණයේ 7.7 ක භූමිකම්පාවක් ඇති වූ අතර, පුද්ගලයන් 2,400 ක් මිය ගිය අතර 10,000 කට තුවාල සිදුවිය.
තායිවානය පැසිෆික් සාගරයේ මායිම වටා දිවෙන පැසිෆික් භූ කම්පන වළල්ලේ පිහිටා ඇති අතර එය ඉන්දුනීසියාවේ සිට චිලී දක්වා දැවැන්ත භූ කම්පන සහ ගිනිකඳු ක්‍රියාකාරකම් ඇති කරයි.
තායිවානයේ භූමිකම්පා සුලභව ඇති වේ. 2018 දී Hualien අසල රික්ටර් පරිමාණයේ 6.2 ක භූමිකම්පාවක් ඇති වූ අතර, අවම වශයෙන් පුද්ගලයින් 17 දෙනෙකු මිය ගිය අතර තවත් 300 කට වැඩි පිරිසක් තුවාල ලැබූහ.
හුලේන් නගරයේ 300,000 පමණ ජනතාවක් වාසය කරන අතර ජනප්‍රිය සංචාරක ගමනාන්තයක් වන Taroko Gorge ට ආසන්නව පිහිටා ඇත.
