දෙහිවල ජාතික සත්වෝද්‍යානයේ සිටි එකම පිරිමි සීබ්‍රා සත්වයා අනපේක්ෂිත ලෙස මියයාමේ සිද්ධිය සම්බන්ධයෙන් පරීක්ෂණයක් පවත්වන ලෙස වනජීවී හා වන සංරක්ෂණ අමාත්‍ය පවිත්‍රා වන්නිආරච්චි මහත්මිය නියෝග කර තිබේ.
මීට දින හතරකට පෙර රිදියගම සෆාරි උද්‍යානයේ සිට දෙහිවල සත්වෝද්‍යානයට අභිජනන කටයුතු සඳහා රැගෙන එමින් සිටියදී එම සීබ්‍රා මිය ගිය බව වාර්තා විය.
මීට වසර හයකට පෙර සත්ත්ව හුවමාරු වැඩසටහනක් හරහා චීනයෙන් ශ්‍රී ලංකාවට ලැබුණු සීබ්‍රා රිදියගම සෆාරි උද්‍යානය වෙත ගෙන යන ලදී.
දෙහිවල සත්ත්ව උද්‍යානයේ ගැහැණු සීබ්‍රා සතුන් දෙදෙනෙකු පමණක් සිටින අතර අභිජනනය සඳහා පිරිමි සතා ගෙන එනු ලැබිණ.
දෙහිවල සත්වෝද්‍යානයේ සේවකයන් ප්‍රකාශ කළේ සීබ්‍රා සත්වෝද්‍යානයට ගෙන එමින් සිටියදී ඖෂධ කිහිපයක් අධික මාත්‍රාවකින් ලබාදීම නිසා මිය ගිය බවයි. දෙහිවල සත්වෝද්‍යානයේ එකම සීබ්‍රා සත්වයා හදිසියේ මියයාම සම්බන්ධයෙන් අපක්ෂපාතී පරීක්ෂණයක් පවත්වන ලෙස ඉල්ලා සේවකයෝ උද්ඝෝෂණයක් පැවැත්වීය.
දෙහිවලට ගෙන එන අතරතුර මිලිග්‍රෑම් 1450ක පෙති 47ක් සීබ්‍රාට ලබාදී ඇතැයි සේවකයෝ පවසති. මෙම සත්වයා පසුගිය සිකුරාදා (08) සත්වෝද්‍යානය වෙත භාරගෙන ඇති අතර, එවිට සත්වයා ස්ථාවර සෞඛ්‍ය තත්ත්වයක සිට නැත.
මේ අතර, දෙහිවල සත්වෝද්‍යාන අධ්‍යක්ෂ ජනරාල් රන්ජන් මාරසිංහ කියා සිටියේ සතා මියයෑම සම්බන්දව පශු වෛද්‍යවරයාගේ හේතු දැක්වීම සම්බන්ධයෙන් තමන්ට ක්‍රියාමාර්ගයක් ගත නොහැකි බවයි. මෙම සතාගේ හදිසි මරණය සම්බන්ධයෙන් සොයා බැලීම සඳහා ස්වාධීන විමර්ශන කණ්ඩායමක් පත් කරන ලෙස වනජීවී හා වන සංරක්ෂණ අමාත්‍යාංශයේ ලේකම්වරයාගෙන් ඉල්ලීමක් කර ඇති බවත් ඔහු වැඩිදුරටත් පැවසීය.
පරිසරවේදී නයනක රන්වැල්ල මහතා පැවසුවේ, එකම සීබ්‍රාගේ හදිසි මරණය ඝාතනයක් බව සනාථ කිරීම සඳහා තොරතුරු සමාලෝචනය කරන බවයි. මෙම අර්ධ වන සතා පසුගිය බ්‍රහස්පතින්දා (7) කූඩු කර ඇති අතර, රන්වැල්ල කියා සිටියේ එම සතා ප්‍රවාහනය කිරීමට යොදාගත් පෙට්ටිය ප්‍රවාහනයට සුදුසු නොවන බවයි. රිදියගම සෆාරි උද්‍යානයේ නිලධාරීන්ට මෙම සතා අල්ලා ප්‍රවාහනය කිරීමට නිසි ක්‍රමවේද අනුගමනය නොකිරීම සම්බන්ධයෙන් ඔහු චෝදනා කළේය.
එම සතාගේ සමට හානි සිදුවී ඇති අතර, දෙහිවල සත්වෝද්‍යානයට රැගෙන ඒමෙන් පසු උගේ සිරුරේ තුවාල කිහිපයක් දක්නට ලැබිණි.
