රතු මුහුදේ දිය යට සන්නිවේදන කේබල් කිහිපයක් කපා හැර ඇති බවට වාර්තා වී ඇතැයි ඇමරිකාව සහ ටෙලිකොම් සමාගමක් පවසා තිබේ. ආසියාව සහ යුරෝපය අතර දත්ත හුවමාරු කරන මෙම කේබල් විනාශ වීම හේතුවෙන් දත්ත ගමනාගමනයෙන් 25%කට බලපෑම් ඇතිවී ඇතැයි වාර්තා වේ.
හොංකොං පදනම් කරගත් ටෙලිකොම් සමාගම පැවසුවේ කේබල් 15 න් 4 ක් මෑතකදී කපා හැර ඇති බවයි.
කේබල් කපා හැරීමට හේතුව තවමත් පැහැදිලි නැත.
අමෙරිකානු නිලධාරියා කියා සිටියේ මෙම රැහැන් හිතාමතාම කපා දැමුවාද නැත්තම් නැංගුරමක් පැටලී විනාශ වුනාද යන්න සොයා බැලීමට උත්සාහ කරන බවයි.
පසුගිය මාසයේදී යේමන රජය අනතුරු ඇඟවූයේ ඉරානයේ පිටුබලය ලබන හවුති ව්‍යාපාරය මුහුදේ නැව්වලට පහර දීමට අමතරව මුහුද යට කේබල් කඩාකප්පල් කළ හැකි බවයි.
බටහිර යේමනයේ රතු මුහුදේ වෙරළ තීරයේ වැඩි කොටසක් පාලනය කරන හූතිවරු – පසුගිය සතියේ තමන් කේබල් ඉලක්ක කර ගත් බව ප්‍රතික්ෂේප කළ අතර එක්සත් ජනපද සහ බ්‍රිතාන්‍ය හමුදා ප්‍රහාරවලට දොස් පැවරූහ.
රතු මුහුද සහ ඒඩන් බොක්ක හරහා ගමන් කරන වෙළඳ යාත්‍රාවලට ඩ්‍රෝන් සහ මිසයිල ප්‍රහාරවලට ප්‍රතිචාර වශයෙන් එක්සත් ජනපද සහ බ්‍රිතාන්‍ය හමුදා හූති ආයුධ සහ යටිතල පහසුකම් ඉලක්ක කර ප්‍රහාර ඒල්ල කරති.
හවුතිවරුන් පවසන්නේ ඔවුන්ගේ ප්‍රහාර ඊශ්‍රායලය සහ හමාස් සංවිධානය අතර ගාසා තීරයේ පවතින යුද්ධයේදී පලස්තීනුවන්ට සහයෝගය දැක්වීමක් බවයි.
