ඒකක 30ට අඩු විදුලි පාරිභෝගිකයින් සඳහා දැනට ඒකකයක් සඳහා අයකරන රුපියල් 12.00ක ප්‍රමාණය රුපියල් 8.00ක් දක්වා අඩුකරන බව මහජන උපයෝගීතා කොමිසම පවසයි.
එය 33.3%ක අඩුවීමක් බව මහජන උපයෝගීතා කොමිසම පෙන්වාදෙයි.
මහජන උපයෝගීතා කොමිසමේ සභාපති මහාචාර්ය මංජුල ප්‍රනාන්දු පැවසුවේ අද මධ්‍යම රාත්‍රියේ සිට මෙම විදුලි බිල සංශෝධනය ක්‍රියාත්මක බවයි.
ඒකක 31-60ත් අතර විදුලි පාරිභෝගිකයින් සඳහා විදුලි ගාස්තුව 28%කින් පහළ දැමීමට කටයුතු කර ඇත.
එසේම ඒකක 61-90ත අතර විදුලි පාරිභෝගිකයින් සඳහා විදුලි ගාස්තුව 30% පහළ දැමීමට කටයුතු කර තිබේ.
මේ අතර ඒකක 9-180ත් අතර පාරිභෝගිකයින් සඳහා විදුලි ගාස්තුව 24% පහළ දැමීමට කටයුතු කර තිබේ.
ඒකක 180ට වැඩි ගෘහස්ත පාරිභෝගිකයින් සඳහා 18% විදුලි බිල පහත දමා ඇත.
ආගමික ස්ථානවලට 33% අඩුකිරීමක් සිදුකර ඇති අතර හෝටල් සහ කර්මාන්ත අංශවල සියයට 18% විදුලි බිල අඩුකර ඇත.
පොදු කාර්ය කාණ්ඩයට අයත් විදුලි බිල 23% කින් අඩුකර ඇති අතර රාජ්‍ය අංශය සඳහා 22% විදුලි බිල අඩුකර තිබේ.
එසේම වීදි ලාම්පු සඳහා විදුලි බිල සියයට 20% අඩුකිරීමට පියවර ගෙන ඇත.
