පිලිපීනයේ දකුණු දිග නායයාමකට ලක්වූ ස්ථානයක පස් වලට යටවී සිටි තුන් හැවිරිදි දැරියක් පැය හැටකට පසු බේරාගෙන තිබේ.
අඟහරුවාදා (06) මින්දනාඕ ප්රදේශයේ ඩවාඕ ඩි ඕරෝ පළාතේ මසාරා රන් ආකර ගම්මානයක් ආසන්නයේ මෙම නායයෑම සිදු විය.
නායයෑමෙන් 28 දෙනෙකු මියගොස් තවත් 77 දෙනෙකු පමණ අතුරුදන්ව තිබිණ.
කෙසේවුවද මුදවාගැනීමේ කණ්ඩායම් පවසන්නේ දිවි ගලවා ගත් අය සොයා ගැනීමේ බලාපොරොත්තුව අත්හැර දමා ඇති බවයි. ඔවුන් වැඩිදුරටත් පවසන්නේ දරුවා බේරා ගැනීම “ප්රාතිහාර්යයක්” බවයි.
සිකුරාදා (09) පිලිපීන රතු කුරුස ෆේස්බුක් පිටුවේ පළ කරන ලද ඡායාරූප සහ වීඩියෝ වලින් පෙන්නුම් කරන්නේ, බ්ලැන්කට්ටුවකින් ඔතා ඔක්සිජන් ටැංකියකට සම්බන්ධ කළ දැරිය අසල පිහිටි මාවබ් නගර සභාවේ රෝහලකට ගෙන යන ආකාරයයි.
ආපදා නිලධාරියෙකු පැවසුවේ, “එය බේරාගත් අයට බලාපොරොත්තුවක් ලබා දෙයි. සාමාන්යයෙන් දරුවෙකුගේ ඔරොත්තු දීමේ හැකියාව වැඩිහිටියන්ට වඩා අඩුය, නමුත් මේ දරුවා දිවි ගලවා ගත්තේය.”
අධික වර්ෂාපතනය සහ පතල් කැණීම් සහ නීතිවිරෝධී දැව කැපීම් සහ පුළුල් වන විනාශය හේතුවෙන් පිලිපීනයේ බොහෝ කඳුකර ප්රදේශවල නායයෑම් නිරතුරුව සිදුවේ.
අධික මෝසම් වර්ෂාව මින්දනාඕ හි කොටස් වලට සති ගණනාවක් තිස්සේ කඩාවැටී ඇති අතර, නාය යෑම් සහ ගංවතුර හේතුවෙන් දස දහස් සංඛ්යාත ජනතාවක් අවතැන් වූහ.
සෙනසුරාදා රිච්ටර් මාපකයේ 5.9 ක ප්රබල භූමිකම්පාවක් ඇති වූ විට ගැලවුම්කරුවන්ට ඔවුන්ගේ මෙහෙයුම් නතර කිරීමට සිදුවිය.
භූමිකම්පාවෙන් මෙතෙක් කිසිදු ජීවිත හානියක් හෝ තුවාලකරුවන් වාර්තා වී නොමැත.
