බංගලාදේශයේ ඊයේ(07) පැවති මැතිවරණයට තරඟ කළ එරට ක්රිකට් නායක ෂකීබ් අල් හසන් පාර්ලිමේන්තුවේ අසුනක් දිනා ගැනීමට සමත් වී තිබේ. ඔහු බංගලාදේශ අග්රාමාත්ය ෂීක් හසීනා මහත්මියගේ නායකත්වයෙන් යුත් අවාමි ලීගය යටතේ මැතිවරණය තරඟ කළේය.
36 හැවිරිදි තුන් ඉරියව් ක්රීඩකයා, බටහිර මගුරා නගරයේ ඔහුගේ මැතිවරණ කොට්ඨාශය ජයග්රහණය කළේ ඔහුගේ ප්රතිවාදියා ඡන්ද 150,000 කට වඩා වැඩි ගණනකින් පරාජය කරමිනි.
ප්රධාන විපක්ෂය වන බංග්ලාදේශ ජාතිකවාදී පක්ෂය (බීඑන්පී) විසින් වර්ජනය කරන ලද මහ මැතිවරණයෙන් අගමැති ෂීක් හසීනාගේ පාලක අවාමි ලීගය විශිෂ්ට ජයග්රහණයක් ලැබීය.
ෂකීබ්ගේ ප්රචාරක ව්යාපාරය නිසා ඔහුට ක්රිකට් ක්රීඩාවෙන් තාවකාලික නිවාඩුවක් ගත කිරීමට සිදු විය. නීති සම්පාදකයෙකු සහ ක්රිකට් නායකයෙකු ලෙස තම රාජකාරි සමතුලිත කිරීමට තමාට නොහැකි වනු ඇතැයි ඔහු පවසා තිබේ.
