මුහුදුබඩ දුම්රිය මාර්ගයේ ධාවනය වන රුහුණු කුමාරී දුම්රිය හෙට (01) වැනි දා සිට අලුයම 5.25 ට බෙලිඅත්තෙන් ගමන් ආරම්භ කිරීමට නියමිතය. එම දුම්රිය මෙතෙක් ආරම්භ වූයේ මාතර දුම්රිය ස්ථානයෙනි.
එමෙන් ම සතියේ දිනවල පමණක් ධාවනය වූ සාගරිකා දුම්රිය සෙනසුරාදා දිනයේ දී ද ධාවනය කරන බව දුම්රිය දෙපාර්තමේන්තුව පවසයි.
සතියේ දිනවල රාත්‍රී 08.35ට මරදාන සිට දකුණු පයාගල දක්වා ධාවනය වන හෙට (01) රාත්‍රී සිට අලුත්ගම දක්වා දීර්ඝ කර ඇත.
එමෙන් ම සවස 2.00 මරදාන සිට අලුත්ගම දක්වා ධාවනය වන දුම්රිය හෙට සිට සවස 1.55ට ධාවනය ආරම්භ කරන බව ද දුම්රිය දෙපාර්තමේන්තුව පවසයි.
