පියා නත්තල් සාප්පු සවාරි යමින් සිටියදී නිවසේ හටගත් ගින්නකින් ඔහුගේ දරුවන් හතර දෙනා සහ ඥාති පුතකු මිය ගොස් ඇතැයි ඇරිසෝනා පොලිසිය පවසයි.
ඇමරිකාවේ ඇරිසොනා ප්රාන්තයේ බුල්හෙඩ් නගරයේ දෙමහල් නිවසක හටගත් මෙම ගින්නෙන් නිවසේ සිටි කිසිවකුගේ දිවි බොරාගැනීමට නොහැකි වී ඇත.
වයස අවුරුදු 2, 4, 5 සහ 13 යන වයස්වල සහෝදර සහෝදරියන් හතරදෙනා සහ 11 හැවිරිදි තවත් දරුවෙකු මෙලෙස ගින්නට හසුව මියගොස් තිබේ.
ගින්න සම්බන්ධයෙන් නිලධාරීන් පරීක්ෂණ පවත්වන අතර දරුවන්ගේ හෝ පියාගේ නම් හෙළි කර නොමැත.
දරුවන්ගේ පියා විමර්ශන නිලධාරීන්ට පවසා ඇත්තේ ඔහුට සිල්ලර බඩු සහ නත්තල් තෑගි මිලදී ගැනීමට පැය 2.5 ක් පමණ ගිය බවයි, බුල්හෙඩ් සිටි පොලිසිය නිවේදනයක් නිකුත් කරමින් කියා සිටියේය.
මූලික විමර්ශනයේදී ගින්න හටගෙන ඇත්තේ පහළ මාලයේ පිවිසුම් මාර්ගයෙන් බව සොයාගෙන ඇති අතර, “බොහෝ විට උඩුමහලේ නිදන කාමරයේ සිටින දරුවන්ට ආරක්ෂිතව නිවසින් පිටතට යාමට නොහැකි වන්නට ඇතැයි”, බලධාරීහු පවසති.
මියගිය පස්දෙනාගේම සිරුරු උඩුමහලේ නිදන කාමරයේ තිබී හමුවී ඇත.
ගින්න මැඩපැවැත්වීම සඳහා අසල්වැසියන් දැඩි උත්සාහයක් ගෙන ඇතැයි පැවසේ.
“අපි ගරාජ් දොර ඇරියා, අපි දොර ළඟට ළං වෙනකොට ගරාජයට දුම එන්න පටන් අරන් මිනිස්සුන්ව හුස්ම හිර කරනවා.” නිවස තුළ කිසිවකු සිටින බව අසල්වාසීන් නොදැන සිටි බවද ඔහු වැඩිදුරටත් පැවසීය. ඔවුන් දැන සිටියේ නම්, ඔවුන් බේරා ගැනීමට උත්සාහ කරන බව ඔහු පැවසීය.
ගින්න හටගන්නා අවස්ථාවේ නිවසේ වැඩිහිටියන් නොසිටි බව පොලිසිය පවසයි.
