මීරිගම, විලේවත්ත දුම්රිය හරස්මාර්ගයේ දී භාණ්ඩ ප්‍රවාහන කන්ටේනරයක් පොල්ගහවෙල සිට කොළඹ දක්වා ධාවනය වෙමින් තිබූ කාර්යාල දුම්රියක අද (09) උදෑසන ගැටීමෙන් අනතුරක් සිදුව ඇතැයි පොලිසිය පවසයි.
මේ හේතුවෙන් දුම්රිය ධාවනය සම්පූර්ණයෙන් ම ඇණහිට ඇත.
දුම්රියේ ගැටුණු කන්ටේනරය මීටර 100ක් පමණ ඇදී ගොස් තිබෙන අතර දුම්රිය විදුලි සංඥා පද්ධතියට සහ දුම්රිය ගේට්ටුවට ද හානි සිදුව ඇතැයි දුම්රිය දෙපාර්තමේන්තුව පවසයි.
මේ අනතුරින් දුම්රිය එන්ජිමට ද දැඩි හානි සිදුව ඇති අතර කන්ටේනරයේ ගමන්ගත් පුද්ගලයන් රෝහල්ගත කිරීමට ද කටයුතු කර ඇත. ඔවුන්ගේ තත්වය පිළිබඳ මෙතෙක් වාර්තා වී නැත.
