ඒෂියානා ගුවන් සේවයට අයත් ගුවන් යානයක් දකුණු කොරියාවේ ඩේගු ගුවන්තොටුපලට ගොඩබස්වන අවස්ථාවේදී එහි හදිසි දොර විවෘත කළ පුද්ගලයෙකු අත්අඩංගුවට ගෙන තිබෙනවා. 30 හැවිරිදි මෙම පුද්ගලයා යානය ගොඩබෑමෙන් පසු අත්අඩංගුවට ගත් බව යොන්හැප් ප්රවෘත්ති ඒජන්සිය පවසයි.
එම අවස්ථාවේ යානයේ මගීන් 194 දෙනකු සිට ඇති බවත් යානය සුරක්ෂිතව ගොඩබැස්වූ බවත් ගුවන් සමාගම සඳහන්කර තිබේ.
කෙසේවුවද මගීන් කිහිපදෙනකුට හුස්ම ගැනීමේ අපහසුතා ඇති වූ අතර ඔවුන් රෝහල් ගත කර ඇති බව ප්රාදේශීය මාධ්ය වාර්තා කළේය.
OZ8124 ගුවන් යානය දේශීය වේලාවෙන් සිකුරාදා උදෑසන ජෙජු දූපතෙන් පිටත් විය.
සමාජ මාධ්යවල සංසරණය වන වීඩියෝවකින් දැක්වෙන්නේ ගුවන් යානයේ පැත්තේ හිඩැස සහ වාඩි වී සිටින මගීන්ගේ පේළි අතරින් සුළං හමා යන ආකාරයයි.
සති අන්ත ක්රීඩා ඉසව්වක් සඳහා යමින් සිටි පාසල් වයසේ ළමුන් කිහිප දෙනෙකු ගුවන් යානයේ සිට ඇති බව ප්රාදේශීය මාධ්ය වාර්තා කළේය.
එක් සිසුවෙකුගේ දෙමාපියෙක් යොන්හැප්ට පැවසුවේ, “ළමයින් වෙව්ලමින්, අඬමින් සහ බියට පත් වී සිටියා” යනුවෙනි.
ඒෂියානා ගුවන් සේවය පැවසුවේ, පොලීසිය මේ සම්බන්ධයෙන් පූර්ණ පරීක්ෂණයක් ආරම්භ කර ඇති බවයි.
