කොළඹ, තොටළඟ කජීමාවත්තේ ඇති වූ ගින්න මේ වනවිට මුළුමනින්ම නිවා දමා ඇතැයි ගිනිනිවන දෙපාර්තමේන්තුව පවසයි.
එම වත්තේ පිහිටි පැල්පත් නිවාස රැසක් ගිනිගෙන ඇති අතර විනාශ වූ නිවාස සංඛ්යාව 50ක් පමණ වෙතැයි ද කිසිවෙකුට තුවාල සිදුව නැතැයි ද පොලිසිය පවසයි.
ගින්නට හේතුව මෙතෙක් අනාවරණය වී නැත.
මෙම ගින්න නිවීම සඳහා ගිනිනිවන රථ 10ක් යෙදවූව ද ගින්න හටගත් ස්ථානයට ළඟා වීමට තිබූ පාරවල් පටු බැවින් ගිනි නිවන රථවලට එයි ළඟාවීම පවා අපහසු වී තිබිණි.
කැලණි ගඟෙන් ජල බවුසරවලට වතුර පුරවා ගෙනවිත් ගින්න නිවීමට ද කටයුතු කර තිබිණි.
