චීනය ආසන්නයේ පිහිටි දූපත් වලට ඉහලින් පියාසර කළ ඩ්‍රෝන යානා තුනක් ආපසු හරවා යැවීම සඳහා තායිවානය ප්‍රථම වරට අනතුරු ඇඟවීමේ වෙඩි තබා ඇත. තායිවානයේ ආරක්ෂක අමාත්‍යාංශය පැවසුවේ ඩ්‍රෝන යානා තුන චීන ප්‍රධාන භූමිය දෙසට ආපසු පියාසර කරන ආකාරය දැකගත හැකි වූ බවයි.
මෑත සතිවල දී චීන ඩ්‍රෝන යානා චීන ප්‍රධාන භූමිය ආසන්නයේ සිය දූපත් වලට ආසන්නව පියාසර කරන බවට තායිවානය පැමිණිලි කර ඇත.
මෙම මස මුලදී එක්සත් ජනපද දේශපාලනඥ නැන්සි පෙලෝසි තායිවානයේ සංචාරය කිරීමෙන් පසු තායිවානය සහ චීනය අතර ආතතීන් ඉහළ මට්ටමක පවතී.
පෙලෝසි මහත්මියගේ සංචාරයෙන් පසු බලය පෙන්වීමක් ලෙස චීනය දැවැන්ත හමුදා අභ්‍යාස දියත් කිරීමෙන් පසු තායිවානය ඩ්‍රෝන් ආක්‍රමණයේ වැඩි වීමක් වාර්තා කර ඇත.
ආරක්ෂක විධානය පැවසුවේ අඟහරුවාදා සවස සිවිල් ඩ්‍රෝන යානා තුනක් චීනයේ සියාමෙන් නගරයේ සිට කිලෝමීටර් කිහිපයක් ඈතින් පිහිටි කින්මන් දූපත් තුනෙහි දක්නට ලැබුණු බවයි.
ආපසු එන ඩ්‍රෝන යානයකට වෙඩි තැබීමට පෙර එය අනතුරු ඇඟවීමේ ගිනිදැල් නිකුත් කළ බව එම නිවේදනය වැඩිදුරටත් පැවසීය. ඩ්‍රෝන යානා අවසානයේ සියාමෙන් දෙසට ගමන් කළේය.
තායිවානයේ නවතම වාර්තාවට චීනය තවමත් ප්‍රතිචාර දක්වා නැත. නමුත් මෙම සතිය මුලදී චීන ඩ්‍රෝන යානා මගින් නැවත නැවතත් හිරිහැර කරන බවට තායිවානයෙන් පැමිණි පැමිණිලි ප්‍රතික්ෂේප කළේය.
“චීන ඩ්‍රෝන යානා චීනයේ භූමියට ඉහළින් පියාසර කරයි, පුදුම වීමට ඇත්තේ කුමක්ද?” චීන විදේශ අමාත්‍යාංශයේ ප්‍රකාශක ෂාඕ ලිජියන් සඳුදා පැවසීය.
තායිවානයේ විදේශ අමාත්‍යාංශය ඔහුගේ ප්‍රකාශය සම්බන්ධයෙන් කෝපය පළ කළේය.
අගෝස්තු මැද භාගයේදී, තායිවාන සොල්දාදුවන් එම යානා ආපසු එළවා දැමීම සඳහා ගල් ගසන ආකාරය පිළිබඳ කාන්දු වූ ඩ්‍රෝන දර්ශන අන්තර්ජාලය හරහා පුළුල් ලෙස බෙදා හරින ලදී. මෙම වීඩියෝව චීන සමාජ මාධ්‍ය තුළ පුලුල්ව පැතිරුනු සමච්චලයට සහ උපහාසයට ලක් විය.
ජනාධිපති ට්සායි-ඉන්-වෙන් තායිවානයේ ආරක්‍ෂාව වැඩිදියුණු කිරීමට ප්‍රතිඥා දී ඇත. පසුගිය සතියේ, ඇගේ ආන්ඩුව වාර්තාගත ආරක්ෂක අයවැයක් එළිදක්වන ලදී.
චීන ගුවන් යානා සහ නැව් තම භෞමික අභ්‍යවකාශයට ඇතුළු වුවහොත් අනාගතයේදී “ප්‍රතිප්‍රහාරයට” සූදානම් බව බදාදා තායිවානය ප්‍රකාශ කළේය.
අගෝස්තු මස මුලදී පෙලෝසි මහත්මියගේ සංචාරයට ප්‍රතිචාර වශයෙන් චීනය තායිවානය වටා සිය විශාලතම යුද අභ්‍යාස සිදු කළේය. චීනය, සතියකට වැඩි කාලයක් තායිවානය විසින් හිමිකම් කියන ගුවන් අවකාශය වෙත මිසයිල, ප්‍රහාරක ජෙට් යානා සහ යුද නැව් යවා ඇත.
චීනය ආක්‍රමණයකට සූදානම් වීම සඳහා එම හමුදා අභ්‍යාස භාවිතා කරන බවට තායිවාන ආන්ඩුව චෝදනා කළේය.
