ශ්‍රී ලංකාව දැවැන්ත ආර්ථික අර්බුදයකට ගමන් කිරීමේ තවත් හේතුවක් වී ඇත්තේ අත්‍යාවශ්‍ය නොවන විවිධ භාණ්ඩ සීමාවක් නොමැතිව ගෙන්වීම යැයි පේරාදෙණිය විශ්වවිද්‍යාලයේ ආර්ථික විද්‍යා සහ සංඛ්‍යාන අධ්‍යයන අංශය පවසයි.
එම අංශ මගින් කරන ලද අධ්‍යයනයකින් හෙළි වී ඇත්තේ 2020 වර්ෂයේ දී තොරම්බල් බඩු (විසිතුරු භාණ්ඩ) ගෙන්වීම සඳහා රුපියල් කෝටි 63,477ක් වියදම් කර ඇති බවයි.
මහාචාර්ය වසන්ත අතුකෝරළ පවසන්නේ මේ භාණ්ඩවලින් වැඩි ප්‍රමාණයක් මෙරට නිෂ්පාදනය කළ හැකි ඒවා බවයි.
එම භාණ්ඩ ගෙන්වීමට වැය වූ මුදලින් තෙල් නැව් 100ක් ගෙන්වීමට හැකි බව ද මහාචාර්යවරයා කීවේය.
| ගෙන්වන ලද ද්‍රව්‍යය | මුදල රුපියල් කෝටි |
| පැන්සල්, පෑන්, මකන සහ තීන්ත, රිපන් | 215 |
| සරුංගල් ඇතුළු සෙල්ලම් භාණ්ඩ සඳහා | 984 |
| ඔළුව පීරන පනා සඳහා | 31 |
| කොහු ඉදල් සඳහා | 35 |
| වතුර බෝතල් | 55 |
| අවි ආයුධ සඳහා | 95 |
| සපත්තු, කුඩ, හිස් වැසුම් සඳහා | 655 |
| සබන් ඇතුළු පවිත්‍රකාරක ද්‍රව්‍ය සඳහා | 956 |
| සුවඳ විලවුන් ක්‍රීම් වර්ග සඳහා | 1755 |
| පළතුරු යුෂ සඳහා | 74 |
| චීස් බටර් සඳහා | 336 |
| එළවළු සහ පළතුරු සඳහා | 18,982 |
| විවිධ ගෘහ භාණ්ඩ සඳහා | 19,000 |
| සත්ව සම් සඳහා | 493 |
| ප්ලාස්ටික් සහ රබර් සඳහා | 18,522 |
