සිරියාවේ උතුරු දිග අල්-බාබ් නගරයේ වෙළඳපොළකට අද(19) එල්ලවූ රොකට් ප්‍රහාරයකින් අවම ළමුන් පස් දෙනෙකු ඇතුළු පුද්ගලයින් 9 දෙනෙකු මිය ගියහ.
රෝහල් ආරංචි මාර්ග පවසන්නේ 28 දෙනෙකු තුවාල ලබා ඇති බවයි.
කුර්දි කණ්ඩායම් විසින් මෙහෙයවනු ලබන එක්සත් ජනපදයේ පිටුබලය ලබන සිරියානු ප්‍රජාතන්ත්‍රවාදී හමුදා (SDF), උතුරේ සහ ඊසානදිග කොටස් පාලනය කරයි.
SDF මාධ්‍ය මධ්‍යස්ථානයේ ප්‍රධානී ෆර්හාඩ් ෂාමි පැවසුවේ සිකුරාදා ප්‍රහාරයට තම කණ්ඩායමේ කිසිදු සම්බන්ධයක් නොමැති බවයි.
අල්-බාබ්හි ක්‍රියාකාරීන් පිරිසක්, සිකුරාදා දහවල් යාඥාවෙන් පසුව, සිරියානු රජය සහ විපක්ෂය අතර ප්‍රතිසන්ධානය සඳහා තුර්කිය විසින් කරන ලද ප්‍රකාශයන් හෙළා දැකීම සඳහා විරෝධතාවක් සැලසුම් කරමින් සිටියහ.
සිකුරාදා ප්‍රහාරයෙන් පසු මාධ්‍ය වෙත බෙදා හරින ලද ප්‍රකාශයක දැක්වෙන්නේ, ප්‍රචණ්ඩත්වයට බියෙන් පෙළපාලිය අවලංගු කළ බවයි.
