ප්‍රංශ ලේඛක ගී ද මෝපසාන්ට් ලියූ A DEAL (UNE VENTE) කෙටි කතාවේ සිංහල පරිවර්තනය
විත්තිකරුවන් වූ ඉසිඩෝර් කමන්ට් හා පෙරොස්යාකෝනු යන අය අධිකරණයේ විනිශ්චය සඳහා නියමිත භූමියෙහි අසුන්වල වාඩි වී සිටියෝය. දෙදෙනාටම විරුද්ධව ඉදිරිපත් කර ඇති චෝදනාව වූයේ විත්තිකාර මින්ට්ගේ නිත්‍යානුකූල බිරිඳ වූ බෲමන්ට් මහත්මිය මරා දැමීමට කුමන්ත්‍රණය කිරීම හා ඊට උත්සාහ කිරීම යන්නය.
මෙය විත්තිකාරපින් දෙදෙනාම මුලික වශයෙන් සැළකිය හැකි ගොවියෝ වූහ. මනේට් සිරුරින් කුඩා වුවද කරබාරු දේහයක් හා කෙටි අත් පා සහිත අයෙකි. කුරුලෑවලින් පිරුණ ඔහුගේ මුහුණ. රතු පැහැයෙන් යුතු වූ අතර රවුම් නිසා තරබාරු සිරුරට සම්බන්ධ කළ ගෙල ඉතා කෙටි එකක්සේ දිස් විණි. ‘ක්‍රිස්ටොක් උප ප්‍රදේශයේ පදිංචිකරුවකු වූ බෲමන්ට් ජීවිකා වෘත්තිය වශයෙන් ඌරන් ඇති කිරීම සිදු කළේය.
පොරොස්යාකෝනු සිහින් මධ්‍ය ප්‍රමාණයේ උසින් යුතු දිගු අත් පා සහිත පුද්ගලයෙකි. ඔහුගේ මුහුණෙහි හකු ඇටය ඉදිරියට නෙරාවිත් තිබූ අතර එනිසාම පෙනුමෙහි විසුළු බවත් දැකිය හැකි විය. කෝනු උඩුකයට හැඳ සිටි නිල් පැහැති කමිසය දණහිස දක්වා පහතට විහිදුණි. පල්ලියේ ගීතිකා ගැයීමේ හා ඒවා අනුකරණයට ඇති හැකියාව නිසා කෝනුට ක්‍රිස්ටොක් පෙදෙසේ බොහෝ දෙනා විසින් ආරූඪ කරන ලද නාමය වූයේ පූජකයා යන නමය.
අධිකරණයේ පැමිණිල්ලේ සාක්කිකරුවන්ගේ පාර්ශ්වයේ අසුන් පෙළෙහි වාඩි වී සිටියේ බෲමන්ට් මහත්මියයි. ගෙවිලියක් වූ ඇයගේ පෙනුම නිදිබර විලාශයක් ගත්තාය. කිසි සෙලවීමත් නොමැතිව දෙ අත් උතුළ මත රඳවාගෙන සිටී බෲමන්ට් මහත්මිය ඉදිරිපසට හිස් බැල්මක් හෙළා සිටියාය.
විනිශ්චයකරතුමා පැමිණ අසුනෙහි වාඩිවූ අතර උසාවියේ වැඩ කටයුතු ඇරඹිණි.
මට තේරෙනව ඔවුන් දෙදෙනා ඔබේ නිවසට ඇවිත් මබව වතුර ගුදමට දැම්මා. හොදයි මහත්මිය කරුණාකරල නැගිටල ඒ විස්තර සියල්ල අපට ප්‍රකාශ කරන්න විනිසුරු තුමා බෲමන්ට් මහත්මිය අමතා ප්‍රකාශ කළේය.
ඇය කණුවක කොඩියක් එසවුවා සේ එකමරම අසුනෙන් නැගිට්ටාය.
මම ඒ වෙලාවේ හිටියේ බෝංචි පොතු අරිමින් ඔවුන් දෙදෙනා ගෙදරට ආවේ හරිම අස්වාභාවික විදිහට. මේ සම්බන්ධයෙන් කිසියම් සැළැස්මක් ඔවුන් තුළ තිබුණා වගේ. එ් නිසා මං ඇහුවා ඔවුන්ගෙන් ඔබලා මොකක්ද කරන්න යන්නේ කියල උත්තරයක් නුදුන්න හින්ද මට සැකයක් ඇති වුණා”
ඵ් වෙලාවෙ මට හරි කල්පනාවත් තිබුණේ නෑ. මෙහි දී විත්ති තුඩුවේ සිටි බෲමන්ට් ඇගේ ප්‍රකාශයට බාධා කළේය.
“ඔබ චිතරක් තියනව නම් ඒක බොරුවක්. අපි දෙන්නම” බෲමන්ට්ගේ ප්‍රකාශයට පිළිතුරු වශයෙන් කෝනු සඳහන් කළේ ආවේනිසා අපුරු කටකඩකි.
“ඔය කියන්නේ තමාලා දෙන්නම බීමත්ව සිටිය කියන විත්තියනේ” විනිසුරුවරයා විත්තිකරුවන් දෙස තියුණු බැල්මක් හෙළමින් ප්‍රකාශ කළේය.
“ඒක ඉතින් මනෑම කෙනෙ තුට වෙන්න පුළුවන්නේ” කෝනු ඇඟට පතට නොදැනෙන්නට කීවේය.
“හා. ඉතින් හරි. දැන් ඉතින් මබේ ප්‍රකාශය සරක්ත” යළිත් විනිසුරුවරයා කාන්තාව ඇමතිය.
“ඉතින් බෲමන්ට් මගෙන් ඇහුව ඔබට ප්‍රැන්ත් පහක් උපයාගන්ඩ ඕනෑ ද ? කියල. ඔව් මම කිව්වා මොකද ප්‍රැන්ක් පහක් කියන එකත් ලොතු දෙයන්නෙ “
“එහෙනම් නැගිටපං, මං කරන්ඩ ඕන දේ මොසත්ද කියල කියන්නම් කියල ඔහු කිව්වා. ඊට පස්සේ බෲමන්ට් වත්ත පල්ලෙහා, වැහි වතුර එකතු වෙන්ඩ තිබුණ ගුදම කුස්සිය මැද්දේ ගෙනැත් තිබ්බ. දැන් පොතුණට ගිහින් බාල්දියෙන් වතුර අරන් ඇවිත් මේක පුරවපං” කියල ඔහු මට කිව්වා
“මම පැයක් තිස්සේම පොකුණට යනව, ආපහු ගුදම ගාවට වතුර අරන් එනව, මෙහෙම ගුදම පිරෙව්වා ඒ මුළු කාලය තිස්සේම මේ දෙන්න කළේ මත්පැන් වලින් බඩ පුරව ගන්න එක.”
“මම ඒක කිව්වම, බෲමන්ට් කිව්වා” උඹට ඒකෙන් වැඩක් නෑ. ඔය වැඩේ. කරපන්කෝ” කියල
“ගුදම පිරුණම මම කිව්ව දැන් හරි බැරල් එක පිරුණ කියල ” ඊට පස්සේ කෝනු මට ප්‍රැන්ක් පහක් දුන්න, මම ඒක ගත්තහම බෲමන්ට් ඇහුව උඹට කවත් ප්‍රැන්ක් පහක් ඕනැද කියල.
මම තිව්වා “ඔව් කියල. මොකද එහෙම වාසනාවක් එළඹෙන්නේ කළාතුරකින් නිසා. එහෙනම් ඇඳුම් ගලවපන්, ඔහු කිව්වා.
‘ඇඳුම් ගලවන්න ?” මම ප්‍රශ්න කළා “ඔව්” ඔහු පිළිතුරු දුන්නා සේරම ඇඳුම් ගලවන්ඩ ඕන ද කියල මම ඇහුවා.
“නැ නැ උඹට යට ඇඳුම කියාගන්න පුළුවන් ඒකෙන් අපට ප්‍රශ්නයක් නෑ” ඔහුගේ වචනයට මම හැමති වුණා. මොතද ෆ්‍රෑන්ක් පහ නම් ප්‍රැන්ක් පහයි.
මම ක්‍රමයෙන් ඇඳුම් ගලවන ආකාරය දෙස ඔවුන් දෙදෙනා බලා සිටියා මගේ කැප් එක, ඊට පස්සෙ හැට්ටය, සාය. මේ සේරම මම හැව්වා. එතකොට බෲමන්ට් කිව්වා.
“හා හා යට ඇඳුම් කියා ගතින් අපි හොඳ හැඳිව කො‍ල්ලෝ.” කෝනුත් එතකොට කිව්ව “ඔව් ඔව් අපි හැඳිව්ව කොල්ලො” කියල ඊට පස්සෙ ඔවුන් ඉඳගෙන හිටිය තැනින් නැගිට්ට. ඒ වෙනකොට දෙන්නම හොඳටම බීමත්ව හිටියේ.
“ඉතින්” මම ඇනුවා, එතකොට බෲමන්ට් සෝනු දෙස බලලා ඇහුවා
“එහෙනම් පරි ද ?” කියලා. “හරි” නොසු පිළිතුරු දුන්නා.
ඊට පස්ගස බෲමන්ට් මගේ හිසෙන් අල්ල ගත්තත. කෝනු කකුල් දෙකෙන් අල්ලා ගත්ත මම කෑ ගහනකොට බෲමන්ට් කිව්වා කට වහපන් කියලා. ඔවුන් මාව උස්සල ගුදම ඇතුළට දැම්මා. මම කම්පනයට පත් වුණා. මුළු ශරීරයම සීතල වුණා.
” දැන් සේරම හරිද. බෲමන්ට් කෝනුගෙන් ඇහුවා. සේරම හරි..ඒ වුණාට එයාගෙ ඔළුව ඇතුළට ගිලුණේ නෑ.” බෲමන්ට ආයෙමත් කිව්වා.
” එහෙනම් ඔළුව ඇතුළෙ ගිල්ලවපන්.” බෲමන්ට් මගේ ඔළුව ගුදම ඇතුළෙ ගිල්ලුව. මගේ නහයට වතුර ගියා. මම හිතුවෙ මම එලොව ගියයි කියල තමයි. ඊට පස්සෙ ඔවුන් මාව බැරල් එකෙන් එළියට දැම්මා.
“ම්.. ඉතින් ඉක්මනට තෙත මාත්තු කරගෙන ඇඳුම් ඇඳ ගනින්. ” මම ඒ ගමන්ම පල්ලියට ගිහින් පූජකතුමා හමුවුණා. එයා ගම්මුලාදෑනියාට කියල මාව පොලීසියට පිටත් කළා. මම ආපසු නිවසට ගියේ පොලීසියත් සමග. ඒ යනකොට කෝනුය සහ බෲමන්ට් දෙදෙනා රණ්ඩු වෙනවා.
“ඒක බොරුවක්, මම තමුසෙට කියන්නෙ එතන තිබුණෙ අඩුම වශයෙන් ඝන මීටරයයි. උඹේ ගණන් ගැනීම වැරදියි”
” බාල්දී හතරයි. එතන ඝන මීටරයක්වත් නෑ එහෙමනෙ අපි දෙන්නා කතා කර ගත්තෙ ඒක නෑ කියන්ඩ බෑ. කෝනු කෑ ගසමින් සිටියා. පොලිසියෙ සාජන්ට් ඔවුන්ගේ අරගලය නතර කළා. මට කියන්ඩ තියෙනෙ එච්චරයි.”
බෲමන්ට් මහත්මිය සිය ප්‍රකාශය නිමාකොට අසුනෙහි වාඩි වූවාය.
ඇගේ ප්‍රකාශය නිමවනවාත් සමග උසාවිය තුළ සිනා හඬක් පැතිර ගියේය. ජූරි සභාවේ මහත්වරු මවිතයෙන් මෙන් එකිනෙකාගේ මුහුණු බලා ගත්හ. විනිශ්චයකාරතුමා විත්තිකාර කෝනු අමතා කතා කළේය.
“ඔබ මේ කණගාටුදායක කතාවට මුල් වුණ කෙනෙක්. ඔබට යම් ප්‍රකාශයක් කරන්ඩ තියෙනවාද..”
කෝනු විත්ති කූඩුවේ සිට නැගී සිටියේය. “ගරු ස්වාමීනි. අපි මෙයට ඉබේම පෙළඹුණා.”
“මම ඒක ප්‍රතික්ෂේප කරනවා. හොඳයි ඔබේ ප්‍රකාශය කරන්න ” විනිශ්චයකාරතුමා බැරෑරුම් හඬින් කීවේය.
“මම කියන්නම්.” කෝනු සිය කතාව පටන් ගත්තේය.
“එදා උදේ නවයට විතර බෲමන්ට මාව සොයාගෙන තැබෑරුමට ආවා. ඔහු බ්‍රැන්ඩි බොමුද කියලා මගෙන් ඇහුවා. මාරුවෙන් මාරුවට අපි (එක වඩියක් මගෙන් අනික මහුගෙන්) හැටියට දවල් දොළහ වෙනකන් වීදුරුවෙන් වීදුරුව බිව්වා. ඒ වෙන කොට අපි හොඳටම මත් වෙලා.
“එකපාරටම බෲමන්ට් අඬන්න පටන් ගත්තා. මට හරි දුකක් ඇතිවෙලා මං ඇහුව මොකද කියලා මට බ්‍රහස්පතින්දා වෙන කොට ෆ්‍රෑන්ක් දාහක් ඕන. ඔහු කිව්වා. සත්තකින්ම ඔහුගේ කීම මම පිළිගත්තා . ඊට පස්සේ ඔහු මට කීවා උඹ කැමති නම් මම මගේ බිරිඳ උඹට විකුණනවා කියලා. මමත් බීමත්ව හිටියෙ අනික් අතට මගේ භාර්යාවත් නැතිවෙලා මට හිතා ගන්ඩ බැරි වුණා බෲමන්ට්ගේ භාර්යාව කොහොම හැඩරුව ඇති කෙනෙක් ද කියලා. කොහොම වුණත් භාර්යාවො නම් කවුරුත් භාර්යාවොනෙ.”
“කොහොමද උඹ භාර්යාව විකුණන්නේ”. මම බෲමන්ට්ගෙන් ඇහුවා.
එයා සෑහෙන වේලාවක් කල්පනා කරනව මට පෙනුණා. බීමත් වෙලා හිටියට මිනිහා හොඳ කල්පනාකාරයා.
“මම ඇයව ඝන මීටර් ගාණට විකුණන් නම් ” ඔහු කිව්වා.
“මම ඒ කතාවට පුදුම වුණා. මමත් බීලා හිටියට මගේ වෙළෙඳාම් වලටත් සමහර විට යොදා ගෙන තියෙනවා මීටර් ක්‍රමය. එක ඝන මීටරයක්, ලීටර් දාහක් කියලා මම හිතුවෙ. මෙතනදී එකම ප්‍රශ්නය වුනේ ප්‍රමාණය අනුව වටිනාකම නියම කර ගැනීම.
“ඝන මීටරයකට උඹට කොච්චරද ඕනෙ” මම ඇහුව. පැන්ක් දෙදාහක් බෲමන්ට් කීවා. දෙදාහක්” මම මීයෙක් වගේ උඩ පැන්න. මම හිතුවෙ ගැනියකගේ ප්‍රමාණය ලීටර තුන්සියයකට වැඩි නොවෙයි කියලා. ඒක එහෙම වුනාට මම බෲමන්ට කිව්වා ඒ ගාණ හුගාක් වැඩියි. එහෙනම් ගනුදෙනුව නතර කරමු කියලා.”
“බෲමන්ට් ඌරො ඇති කරනව. ඒ වෙළෙඳාමත් දන්නව. මම තැබෑරුමේ මත්පැන් විකුණනව, දියර මනින ක්‍රමය ගැනත් දන්නවා. මම ඔහුට මෙහෙම කිව්වා.”
“උඹෙ භාර්යාව දැන් හුඟක් පරණ එකියක්නෙ. එයා දැන් යල් පැනලා. මම ඝන මීරය කට ෆ්‍රෑන්ක් එක්දහස් පන්සියයක් දෙන්නම්. උඹ ඒකට කැමතිද කියලා.” ඇහුවා.
බෲමන්ට් ” හරි. කැමතියි ” කිව්වා. අපි දෙන්නා අතට අත දීලා ගිවිස ගත්තා ගනු දෙනුව. මේ ජීවිතයෙදී අසරණ වුණ මිත්‍රයෙකුට පිහිට වීම හොඳ ගතියන්නෙ. ඒත් මට ප්‍රශ්නයක් වුණේ කොහොමද ගැහැනියකගේ ප්‍රමාණය දියර මනින මීම්මෙන් මනින්නේ කියලා.
“බෲමන්ට් ඔහුගේ සැලැස්ම විස්තර කළා. මගේ ගුදමක් තියෙනවා. ඒකට කට ලගටම වතුර පුරවලා ඇයව ඒකට දමනවා. එතකොට ඇගේ ප්‍රමාණයට වතුර පිටතට යනවා.” ඔහු කීවා.
ඒක නම් හොඳ අදහස. ඒත් පිටතට යන වතුර කොහොමද මනින්නේ. මම ප්‍රශ්න කළා. ” මෙහෙමයි අපි බාල්දියෙන් ආයෙත් මැනලා ගුදම කට ළඟට එනකන් පුරවමු. බාල්දි දහයක් එක ඝන මීටරයක්. බෲමන්ට් කිව්වා. එයා බීලා හිටියට මෝඩයෙක් නෙවෙයි. “
“අපි දෙන්නම ඔහුගේ ගෙදරට ගියා. බිරිඳ දැකපුවහම මට ප්‍රශ්න කීපයක්ම මතුවුණා. ලස්සන, එයා ලස්සනද. ලස්සනත් සාමාන්‍ය තත්වයක්. එහෙම නේද. එකම කාර්යනෙ සිද්ධ වෙන්නෙ. අනෙක් අතට ඔහුගේ බිරිඳ රේක්කයක් වගේ හීන්. එහෙම බලනකොට මත්පැන් විකිණීමේ අත්දැකීම් අනුව මට හිතුණ එයාගෙ ප්‍රමාණය ලීටර් හාරසියයකට වැඩි නෑ කියලා.
“අපි දෙන්නම ඇයට විස්තරය කිව්වා. ඊට පස්සේ යට ඇඳුම පිටින් ඇයව ගුදමට දැම්මා. ඇය ඒකෙන් එළියට ගත්ත ගමන් දුවන්න පටන් ගත්තා.
“බෲමන්ට් අන්න, ඇය දුවනවා.” මම මගේ මිත්‍රයාට කෑ ගහලා කිව්වා.
“දුවපුදෙන්. එයාව ලේසියෙන් අල්ල ගන්ඩ පුළුවන්. අපි දැන් ගණන බලමු” ඔහු කීවා.
ඊට පස්සේ අපි ගුදම කට ළඟටම පිරෙව්වා. ඇත්තටම ඒක පිරෙන්ඩ බාල්දි හතරකට වඩා ගියේ නෑ.
සිය ප්‍රකාශය මඳකට නතර කළ කෝනු මෙහිදී හඬනගා සිනාසෙන්නට පටන් ගත්තේය. ඔහුට තමා සිටින්නේ අධිකරණයක බව අමතක වුවා සේය. පොලිස් නිලධාරියෙක් වහා පැමිණ කෝනුට අවවාද කළ පසු ඔහු යළිත් කතාව පටන් ගත්තේය.
ඊට පස්සේ බෲමන්ට් හා මා අතර අරගලය පටන් ගත්තා. ඔහු මගේ ගාණට එකග වුණේ නෑ. අපි දෙන්න එකිනෙකාට බැණ ගත්තා. මම පාරක් ඔහුට ගැහුවා. ඔහුත් මට ගැහුවා. මේ වෙලාවේ තමයි පොලීසියෙන් ආවේ. ඔවුන් අපි දෙන්නම දිග ලීයක කෙළවර බැඳගෙන පාරේ ගෙදරට ගෙනාවා. මම මෙම ගනුදෙනුව හා සම්බන්ධ ගිවිසුම කඩ වීමෙන් වූ අලාභය මට ලබා දෙන ලෙස ඔබතුමාගෙන් ඉල්ලා සිටිනවා. කෝනු තම ප්‍රකාශයෙන් පසු විත්ති කුඩුවේ වූ අසුනෙහි වාඩි වූයේය.
බෲමන්ට් ඔහු කී සියල්ල අසා සිටියේ වරින් වර හිස සලමින් සමරහක් කරුණු අනුමත කර න්නා සේය. ජුරි සභාව තීරණය දීම සඳහා ඉවතට ගොස් පැයකට පසු නැවතත් අධිකරණ ශාලාවට පැමිණියේය. ජූරිය විත්තිකරුවන් නිදහස් කළ අතර විවාහය වාණිජ කටයුතු වලට යෙදීම පිළිබඳව විත්තිකරුවන්ට තදබල ලෙස අවවාද කිරීම සුදුසු බව සිය තීරණයේ සඳහන් කර තිබුණි.
විනිසුරු තුමන්ගේ නියෝගයන්, විත්තිකරුවෝ සාවදානයෙන් අසා සිටියෝය. විනිශ්චය කටයුතු අවසාන වීමෙන් පසු බෲමන්ට් සිය බිරිය සමග අධිකරණ ශාලාවෙන් පිටත්ව සුපුරුදු නිවස බලා ගමන් ගත් අතර කෝනු සිය මත්පැන්හල කරා සෙමෙන් පිය මැන්නේය.
පරිවර්තනය – ජේ.ඒ.ඇම්.ජයතිලක විසිනි
2005-08-21 ලක්බිම ඉරිදා සංග්‍රහයේ ප්‍රකාශයට පත්කරන ලදී
