බහමාස් වෙරළට ඔබ්බෙන් බෝට්ටුවක් අනතුරට ලක්වීමෙන් 17දෙනකු මියගොස් ඇතැයි එරට බලධාරීහු පවසති. අගමැති ෆිලිප් ඩේවිස් පැවසුවේ බෝට්ටුවේ සිටි අය හයිටි සිට එක්සත් ජනපදයේ ෆ්ලොරිඩාවේ මියාමි දක්වා ගමන් කරමින් සිටි බවට විශ්වාස කරන බවයි.
බහමාස් හි පොලිසිය පැවසුවේ නිව් ප්‍රොවිඩන්ස් දූපතට කිලෝමීටර් 11ක් (සැතපුම් 6.8ක්) දුරින් බෝට්ටුව පෙරළී ඇති බවයි.
පෙරළුණු බෝට්ටුව තුළ පණපිටින් සිටි එක් කාන්තාවක් ඇතුළු තවත් 25 දෙනෙකු බේරා ගැනීමට හැකි වූ බව බලධාරීහු පවසති.
මියගිය අය අතර එක් දරුවෙක් ද වේ. සෙවීම් මෙහෙයුම් ක්‍රියාත්මක වෙමින් පවතින අතර අවම වශයෙන් එක් අයෙකු තවමත් අතුරුදහන් වී ඇත.
සැක කටයුතු මිනිස් ජාවාරම් මෙහෙයුම සම්බන්ධයෙන් පුද්ගලයන් දෙදෙනෙකු බහමාස් සිට අත්අඩංගුවට ගත් බව නිලධාරීහු පවසති.
හයිටියේ කල්ලි ප්‍රචණ්ඩත්වය සහ ආවේණික දරිද්‍රතාවය හේතුවෙන් දිවි පරදවට තබා, එක්සත් ජනපදයට යාමට උත්සාහ කරන පුද්ගලයින්ගේ සංඛ්‍යාව සැලකිය යුතු ලෙස වැඩි වී තිබේ.
මූලික විමර්ශනවලින් පෙනී යන්නේ, ඉරිදා දින, පුද්ගලයින් 60 දෙනෙකු සමඟ බහමියන් දූපත් සමූහයේ වඩාත්ම ජනාකීර්ණ දූපත වන New Providence වෙතින් වේග බෝට්ටුව පිටත් වූ බවයි.
බහාමාස් හි පොලිස් කොමසාරිස් ක්ලේටන් ෆර්නැන්ඩර් පැවසුවේ “බෝට්ටුවේ බඳට තට්ටු කරන” ශබ්දය පොලිසියට ඇසීමෙන් පසුව පරීක්ෂාකිරීමේදී එක් කාන්තාවක් පණපිටින් සොයා ගත් බවයි.
“කිමිදුම්කරුවන් අවසානයේ, මළ සිරුරු 17 සොයා ගත්හ,” ඔහු පැවසීය.
සංක්‍රමණ අමාත්‍ය කීත් බෙල් පැවසුවේ දිවි ගලවා ගත් අය මුහුදු ගමන සඳහා ඩොලර් 3,000 ත් 8,000 ත් අතර (පවුම් 2,500 සහ පවුම් 6,670) මුදලක් ගෙවා ඇති බවයි.
මැයි මාසයේදී, අවම වශයෙන් පුද්ගලයන් 11 දෙනෙකු, එක්සත් ජනපද භූමිය අසල පෝර්ටෝ රිකෝ හි දී මිය ගියහ.
