සියලුම පොලිස් වාහන සඳහා නිකුත්කරනු ලබන ඉන්ධන 20%කින් කපා හරින ලෙස පොලිස්පතිවරයා විසින් උපදෙස් නිකුත්කර ඇත.
මීට පෙර අප්‍රේල් මස 11 වැනි දිනැති චක්‍රලේඛයක් මගින් දැනුම් දී තිබුණේ ඉන්ධන 15%කින් කපාහරින ලෙසයි. එය මේ වනවිට 20%ක් දක්වා ඉහළ දමා තිබේ. උසස් පොලිස් නිලධාරීන් භාවිතා කරන වාහන සඳහා ද මෙය අදාල වෙයි.
ඉන්ධන මිල වැවිවීමට සාපේක්ෂව ශ්‍රී ලංකා පොලිසිය වෙත ලබාදෙන මූල්‍ය ප්‍රතිපාදන ප්‍රමාණවත් නොවීම හේතුවෙන් මෙලෙස ඉන්ධන සැපයීම සීමා කිරීමට සිදුව ඇතැයි වාර්තා වේ.
