මෙතෙක් හඳුනාගත් සියලු ප්‍රභේදයන්ට වඩා දරුණු කොරෝනා නව ප්‍රභේද දෙකක් දකුණු අප්‍රිකාවේ වෛරස විද්‍යාඥයන් විසින් හඳුනාගෙන තිබේ.
කොවිඩ් 19 වයිරසේ ඔමික්‍රෝන් ප්‍රභේදයේ ම නව ආකාර දෙකක් ලෙස මෙය හඳුනාගෙන ඇති අතර එම ප්‍රභේද දෙක බීඒ 4 සහ බීඒ 5 ලෙස නම්කර තිබේ.
ඔමික්‍රෝන් ප්‍රභේදයේ මීට පෙර හඳුනාගෙන තිබූ බීඒ 1, බීඒ 2 සහ බීඒ 3 ප්‍රභේද සියල්ලටම වඩා මෙය දරුණු බවත් සිරුරේ ප්‍රතිශක්තීකරණය අඩපණ කරන බවත් වෛද්‍යවරු අනතුරු අඟවා ඇත. එමෙන්ම මේ නව ප්‍රභේද දෙක කොරෝනා ප්‍රතිශක්තීකරණ එන්නත්වලට ද ප්‍රතිරෝධයක් දක්වයි.
මේ වනවිට අප්‍රිකාව කොරෝනා පස්වැනි රැල්ලෙන් පීඩා විදිමින් සිටියි.
ලෝක සෞඛ්‍ය සංවිධානය ‘බී.ඒ.4’ සහ ‘බී.ඒ.5’ උප ප්‍රභේද ගැන දැඩි විමසිල්ලෙන් පසුවන අතර ඒ පිළිබඳ සියලු රටවලට අනතුරු ඇඟවීම් ද සිදුකර තිබේ.
