කොළඹ රිජ්වේ ආර්යා ළමා රෝහලේ ප්‍රතිකාර ලබමින් සිටින ළමයින් 07 දෙනකු හා ඔවුන් සමග සිටින මව්වරු 03 දෙනකු කොරෝනා ආසාදිතයන් බවට හඳුනාගෙන ඇතැයි රෝහල් අධ්‍යක්ෂ වෛද්‍ය ජී.විජේසූරිය මහතා කියයි.
රෝහලේ ප්‍රතිකාර ලැබීමට පැමිණි වයස අවුරුදු 02ක දැරියකට හා ඇගේ මවට ද කොරෝනා ආසාදනය වී ඇති බව ඔක්තෝබර් 20 වැනි දින හඳුනා ගැනිනි. එම දැරියගේ පියා ද ආසාදනය වී ඇතැයි මේ වනවිට හඳුනාගෙන ඇත. ඔවුහු වැල්ලම්පිටියේ පදිංචිකරුවෝය.
