ආණ්ඩුවට එරෙහිව සාමකාමී විරෝධතා පවත්වන පුද්ගලයන්ට පහරදීම, ඔවුන්ට බාධා කිරීම නීතියට පටහැනි බවත් එලෙස ක්‍රියාකළහොත් නීතිඥයන් ඒ පිළිබඳ ජාත්‍යන්තරයට පවා පැමිණිලි කරන බව ද ශ්‍රී ලංකා නීතිඥ සංගමය පවසයි.
එම සංගමයේ සභාපති ජනාධිපති නීතිඥ සාලිය පීරිස් සහ ලේකම් ඉසුරු බාලපටබැඳි දෙදෙනාගේ අත්සනින් මේ සම්බන්ධයෙන් නිවේදනයක් ද නිකුත්කර තිබේ.
ගෝඨාගෝ ගම ප්‍රදේශය පොලිස් කැරළි මර්ධන ඒකකය ජල විදින යන්ත්‍ර ඇතුළු කැරළි මර්ධනයට අවශ්‍ය උපකරණ රැගත් පොලිස් බල ඇණි ස්ථානගත කිරීම හේතුවෙන් මෙම නිවේදනය නිකුත් කර තිබේ.
