ඇය උපන්නේ ශ්‍රී ලංකාවේ නොවේ. කිලෝ මීටර දහස් ගණනක් ඈත ස්විට්සර්ලන්තයේය. නමුත් ඇයට අනුව ලෝක‍යේ ලස්සනම රට ශ්‍රී ලංකාවයි.
ඒ නිසාම තම ජීවිතයේ අවසන් කාලය තමන් ආදරය කර මේ සුන්දර දිවයිනේ ගත කිරීමට ඇය තීරණය කළාය. ඒ නිසාම අදින් වසර 04කට පමණ පෙරාතුව මෙහි පැමිණි ඇය දැන් පවසන්නේ තවදුරටත් ශ්‍රී ලංකාව තමන්ට සුරක්ෂිත තැනක් නොවන බවයි.
ඒ නිසා ම මේ පාරාදීසයක් බඳු රට හැරදමා යාමට සිදුව ඇතැයි ඇය පවසන්නේ වේදනාවෙනි.
එලෙස තමන් උපන් රටට යාමට තීරණය කර සිටින ඇය, ගාලු මුවදොර පිටියේ විරෝධතාවයට ද එක්ව සිටියාය.
එහි දී ඇය මෙසේ කීවාය.
“මම මේ රටට ආදරෙයි. මේක පාරාදීසයක්. ලෝක‍යේ තියෙන ලස්සනම රට. මට දැන් මේ රටේ ආරක්ෂාවක් නෑ. ඒ නිසා මට යන්නවෙලා.”
මොහොතක් සටන් පාඨ කියූ ඇය අවසාන වශයෙන් මෙසේ කීවාය.
“සටන් නොකර මම යන්නේ නෑ. සටන් කරලයි මම යන්නේ”
