විදේශ ගතවීමේ බලාපොරොත්තුවෙන් විදෙස් ගමන් බලපත්‍ර ලබාගැනීම සඳහා ආගමන විගමන දෙපාර්තමේන්තුවට පැමිණෙන තරුණ තරුණියන් සංඛ්‍යාව වෙනත් වසරවලට සාපේක්ෂව 30% – 40% ත් අතර ප්‍රමාණයකින් වැඩි වී ඇතැයි ආගමන විගමන දෙපාර්තමේන්තුව සඳහන් කරයි.
විදේශ රටවල ජීවත්වන ශ්‍රී ලාංකිකයන් විශාල පිරිසක් තම සමීපත ම ඥාතීන් එම රටවලට ගෙන්වා ගැනීමට උත්සාහ ගන්නා බව ද නිරීක්ෂණය වී තිබේ. බොහෝ පිරිස් එවැනි අනුග්‍රහයක් අපේක්ෂාවෙන් සිටින බව ද පැවසේ.
සමාජ මාධ්‍ය ජාලාවල ද විදේශ ගතවීමේ හැකියාව පිළිබඳ විමසන අයුරු විශාල වශයෙන් දක්නට ලැබේ. මේ සඳහා වෙන ම සමූහ සහ විශේෂ පිටු පවා නිර්මාණය වී ඇත.
එමෙන් ම විදේශ රැකියා නියෝජිත ආයතන වෙත යොමුවන පිරිස් ද විශාල වශයෙන් වැඩි වී ඇතැයි වාර්තා වෙයි.
