යුද බිය නිසා ලෝකයේ කොටස් වෙළෙඳ පොළ කඩා වැටේ

රුසියාව යුක්රේනය ආක්‍රමණය කරනු ඇතැයි ඇති වී තිබෙන උණුසුම් තත්වය හේතුවෙන් ලෝකයේ කොටස් වෙළෙඳ පොළ රැසක් මේ වනවිට පහළ වැටෙමින් තිබේ.

විශේෂයෙන් ම යුරෝපයේ කොටස් වෙළඳ පොළවල මේ තත්වය දක්නට ඇත.

FTSE 100 කොටස් වෙළෙඳ පොළ 1.7%කින් ද පැරිස් සහ ෆ්‍රැන්ක්ෆර්ට් කොටස් වෙළෙඳ පොළ 2%කින් ද පහත වැටිණි. විශේෂයෙන් ම විදෙස් රටවලින් එම කො‍ටස්‍ වෙළෙඳ පොළ වෙත ආයෝජන පැමිණීම නතරවී තිබීම විශේෂත්වයකි.

එසේ වුව ද යුක්රේනය සම්බන්ධයෙන් බටහිර රටවල් සමඟ සාකච්ඡා කළ යුතුයැයි රුසියාවෙන් මතයක් ඉදිරිපත්වීමත් සමඟ එලෙස කඩා වැටුණු කොටස් වෙළෙඳ පොළ ඊයේ සවස යළි සුළු වශයෙන් ඉහළ යන බව ද පෙනෙන්නට තිබිණි.