ගාල්ල මාගාල්ලේ පදිංචි වෘත්තීය පුහුණු අධීකාරියේ මාතර කාරයාලයේ ප්රධාන නිලධාරියකුට කොරෝනා ආසාදනය වී ඇති බවට තහවුරුවීමත් සමගම අද ගාල්ල නගරයේ වෙළඳ ව්යාපරිකයන් කිහිප දෙනකු නොසන්සුන්තාවකට පත්ව සිටියහ.
ඔවුන් මෙලෙස නොසන්සුන් වී තිබුණේ ගාල්ල වෘත්තීය පුහුණු අධිකාරියේ වායුසමන යන්ත්ර අළුත්වැඩියා කිරීම සඳහා එම නිලධාරියාගේ සමීපතමයකු පැමිණ ඇතැයි ලැබුණු තොරතුරක් හේතුවෙනි. අද (23) උදෑසන ගාල්ල ටැල්බට් ටවුමේ පිහිටි වෘත්තීය පුහුණු අධිකාරී කාර්යාලයේ භාණ්ඩ වෙන්දේසියක් ද පැවැත්වුණු අතර ඒ් සඳහා 100කට අධික පිරිසක් සහභාගී වී සිටියහ. මේ අතර වෘත්තීය පුහූණු අධිකාරිය ඉදිරිපිට වෙළෙඳ සැල් කිහිපයක් වසා දමා එම ව්යාපාරිකයන් විසින් වෘත්තීය පුහුණු අධිකාරී කාර්යාලය විෂබීජහරණය කරන ලෙසත් වෙන්දේසිය නවතා දමන ලෙසත් ගාල්ල මහ නගර සභාවේ සෞඛ්ය අංශයට පැමිණිලි කර තිබිණි.
එම පැමිණිල්ලට අනුව මහජන පරීක්ෂකවරු මෙම ස්ථානයට පැමිණෙන විට අදාල වෙන්දේසිය අවසාන වෙමින් තිබූ අතර සෞඛ්ය වෛද්ය නිලධාරී කාර්යාලය කාර්යාලයේ නිලධාරීන් කියා සිටියේ වෘත්තීය පුහුණු අධිකාරියේ සේවය කරමින් සිටි ආසාදිත නිලධාරියා ගාල්ලේ කාර්යාලයට පැමිණ නැති බවයි. ඔහුගේ සමීපතමයන් සම්බන්ධයෙන් අනාවරණය වන තොරතුරු අනුව ඉදිරි ක්රියාමාර්ග ගන්නා බව ද එතෙක් සෞඛ්ය උපදෙස් අනුව ක්රියාකරන ලෙස උපදෙස් දී ඇති බව ද ඔහු කියා සිටියේය.
![](https://www.rata.lk/wp-content/uploads/2020/10/11.jpg)