‘’ගෝඨාභය රාජපක්ෂ ජනාධිපතිතුමා මට විශ්වාසයි. බලයක් නැතිව පඹයෙක් වගේ වැඩ කරන්න බෑ. ඒ නිසා මම හිතට එකඟව ඡන්දය දුන්නා” යැයි සමගි ජනබලවගයේ හිමිකාරීත්වය ඇති එහි උප ලේකම් පාර්ලිමේන්තු මන්ත්‍රී ඩයනා ගමගේ මහත්මිය පවසයි.
වික්ෂයේ ප්‍රධාන දේශපාලන පක්ෂයවන සමගි ජන බලවේගය ඊයේ (22) තීරණය කර තිබුණේ 20 වැනි සංශෝධනයට විරුද්ධව ඡන්දය ප්‍රකාශ කිරීමට වුව ද ඩයනගා ගමගේ මන්ත්‍රීවරිය ඇතුළු කිහිප දෙනෙක් ව්‍යවස්ථාවට සහයෝගය ප්‍රකාශ කළහ.
ව්‍යවස්ථාවට පක්ෂව ඡන්දය ප්‍රකාශ කිරීමෙන් අනතුරුව ඇය මාධ්‍යවේදීන්ට මෙසේ අදහස් දැක්වූවාය.
‘’මගේ හෘද සාක්ෂියට එකඟව ඡන්දය පාවිච්චි කළා. කිසිම වරදාන වරප්‍රසාදයක් බලාපොරොත්තුවෙන් නෙවෙයි. පුළුවන්නම් මම වරදාන වරප්‍රසාද බලාපොරොත්තුවෙන් වැඩ කළා කියලා ඔප්පු කරන්න. සමහරු කියනවා සල්ලි ගත්තා කියලා.. ඒවාට අපිප නැවෙන්නේ නැහැ. එහෙමනම් ඉතින් අපේ පක්ෂය සමගි ජන බලවේගය හදලා ඒකටත් සල්ලි ගන්නවානේ. අපි ඒහෙම කළේ නෑ. මම ජාතික ලැයිස්තු මන්ත්‍රීවරියක් තමයි නමුත් මම වව්නියාාවෙන් ඡන්දෙ ඉල්ලුවත් දිනනවා. මගේ පක්ෂය දීලා ඔක්කොම භාරදීලා හදවතින් ම ඒ් පක්ෂය මම දුන්නා. අද මගේ හෘද සාක්ෂියට එකඟව ඡන්දය දුන්නා. අපි එක දෙයක් මතක තියාගන්න අවශ්‍යයි. මොකද මේ රටේ ජනතාව ලොකු වියදමක් කරලා ජනාධිපති කෙනෙක් පත්කරනවා. ජනාධිපතිට වැඩක් කරන්න පුළුවන් කම තියෙන්න අවශ්‍ය්‍යි. නාමික ජනාධිපතිවරයෙක් රටටකට මොකටද ? මට ගෝඨාභය රාජපක්ෂ මහතා හොඳටම විශ්වාසයි. මට විශ්වාසයක් තියෙනවා එතුමා මේ රට හදයි කියලා.
මම සමග ජන බලවේගයේ උප ලේකම් හැටියට මේ පක්ෂයේ දිගටම ඉන්නවා. සජිත් ප්‍රේමදාස මහත්තයා නායකයා. ලේකම් රංජිත් මද්දුම බණ්ඩාර මහතා. මගේ මහත්තයා සේනක ද සිල්වා උප සභාපති. සජිත් ජනාධිපතිවුණානම් එතුමා මේ බලය එපා කියනවා ද ? ෆොන්සේකා මහත්තයා ආවනම් එයා එපා කියනවා ද ? මට බලයක් නැතිව මම පඹයෙක් වගේ ඉන්නම් කියලා කියනවා ද ? එහෙම බලයක් නැතිව මොකට ද ජනාධිපතිවරයෙක්. අපි ජනාධිපතිකම අහෝසිකරමු. හැමෝම එකතුවෙලා ඊළඟට අලුත් ව්‍යවස්ථාවක් හදමු.”
