යාපනය දිස්ත්‍රික්කයේ නෙල්ලිඅඩි පොලිස් බල ප්‍රදේශයේ දී ලංගම බසයකට ගල් ප්‍රහාරයක් එල්ලවී ඇති බවත් තවත් බසයක රියදුරකුට සහ කොන්දොස්තරවරයකුට පහර දී ඇති බවත් පොලිසිය පවසයි.
පළමු ප්‍රහාරය එල්ල වී ඇත්තේ 04 වැනි දා රාත්‍රියේය. එදින නෙල්ලිඅඩි බස් නැවතුමේ දී නාදුනන පිරිසක් පැමිණ නෙල්ලිඅඩි පේදුරුතුඩුව මාර්ගයේ ධාවනය වන බසයක රියදුරාට සහ කොන්දොස්තරවරයාට පහර දී ඇත. තුවාල ලබා ඇති ඔවුන් දෙදෙනා රෝහල්ගත කර ඇත.
අද (06) අළුයම පේදුරුතුඩුව සිට ත්‍රිකුණාමලය දක්වා ධාවනය වෙමින් තිබූ ලංගම බසයකට නෙල්ලිඅඩි පුරාපුරොක්කි හන්දියේ දී ගල් ප්‍රහාර දෙකක් එල්ල වී ඇතැයි ද පොලිසිය පවසයි. බසයේ කිසිවෙකුට ඉන් තුවාල සිදුව නැත.
නෙල්ලිඅඩි පොලිසිය මෙම ප්‍රහාර සම්බන්ධයෙන් පරීක්ෂණ පවත්වයි. දෙපාර්ශවයක් අතර ඇති පුද්ගලික ආරවුලක් මෙම ප්‍රහාරවලට හේතු විය හැකියැයි ද පොලිසිය සැකකරයි.
