ඔමික්‍රොන් ප්‍රබේදය යුරෝපය පුරා ආසාදන රැල්ලක් නිර්මාණය කරමින් සිටින අතරතුර, ඊශ්‍රායලය පවසන්නේ කොවිඩ් – 19 එන්නතේ සිව්වන මාත්‍රාව ලබාදෙන පළමු රට බවට පත්වීමට සැලසුම් කරන බවයි.
ඊශ්‍රායලයේ වසංගත විශේෂඥයින් විසින් 60 ට වැඩි පුද්ගලයන්ට සහ සෞඛ්‍ය සේවකයින් සඳහා සිව්වන බූස්ටර් එන්නත නිර්දේශ කර ඇත.
අගමැති නෆ්තාලි බෙනට් සැලැස්ම පිළිගෙන ඇති අතර එයට සූදානම් කිරීම ආරම්භ කරන ලෙස නිලධාරීන්ට පැවසීය.
එය පැමිණෙන්නේ, ඊශ්‍රායලය අඟහරුවාදා ඔමික්‍රොන් සංකූලතාවන්ගෙන් පෙළෙන රෝගියෙකුගේ පළමු මරණය තහවුරු කිරීමත් සමඟ ය.
සෞඛ්‍ය අමාත්‍යාංශය පැවසුවේ ඊශ්‍රායලයේ අවම වශයෙන් කොවිඩ් ප්‍රභේද 340 ක් හඳුනාගෙන ඇති බවයි.
සිව්වන බූස්ටරය නිකුත් කිරීමට ගත් තීරණය තවමත් ජ්‍යෙෂ්ඨ සෞඛ්‍ය නිලධාරීන් විසින් සලකා බලමින් පවතියි. කෙසේ වෙතත් බෙනට් මහතාගේ කාර්යාලය බීබීසීයට පැවසුවේ ඔවුන්ගේ තුන්වන මාත්‍රාවෙන් අවම වශයෙන් මාස හතරකට පසුව මිනිසුන්ට හතරවන මාත්‍රාව ලබා දීමට බලාපොරොත්තු වන බවයි.
“මෙය ලොව ගිල ගැනීමට සූදානම් වන Omicron ප්‍රබේදය හරහා යාමට අපට උපකාරී වන අපූරු ප්‍රවෘත්තියක්” යැයි බෙනට් මහතා පැවසුවේය. හැකි ඉක්මනින් මෙම මාත්‍රාව ලබා ගන්නා ලෙස ද ඔහු ජනතාවගෙන් ඉල්ලා සිටියේය.
Covid-19 එන්නත් කිරීමේ වැඩසටහන් ප්‍රථම වරට දියත් කළ විට, ඊශ්‍රායලයේ එය ඉක්මනින් ක්‍රියාත්මක වූ අතර ජනතාව තුල සාපේක්ෂ වශයෙන් ඉහළ පිළිගැනීමක් ඇති විය.
එසේ තිබියදීත්, එහි මිලියන 9.3 ජනගහනයෙන් මාත්‍රා දෙකම ලබාගෙන ඇත්තේ 63% ක් පමණි. ඊශ්‍රායලය සාපේක්ෂව තරුණ ජනගහනය වැඩි රටක් වීම මෙයට හේතුවන අතර එහි ජනගහනයෙන් තුනෙන් එකක් පමණ වයස අවුරුදු 14 ට අඩු අය වේ.
මෙයට එරෙහිව සටන් කිරීමට උපකාර කිරීම සඳහා, ඊශ්‍රායලය නොවැම්බර් මාසයේදී ප්‍රකාශ කළේ වයස අවුරුදු පහට වැඩි ළමයින්ට ද එන්නත ලබා ගත හැකි බවයි.
බෙනට් මහතා කියා සිටියේ සුදුසුකම් ලත් සෑම දරුවෙකුටම ඉදිරි සති දෙක ඇතුළත එන්නත ලබා ගැනීමට අවශ්‍ය බවත් එය, තවත් ආසාදන රැල්ලක ශක්තිය “ප්‍රමාද කිරීමට සහ මන්දගාමී කිරීමට සහ අඩු කිරීමට” උපකාරී වන බවත් ය.
වෛරසය පැතිරීම මැඩපැවැත්වීම සඳහා ඊශ්‍රායලය දැනටමත් එක්සත් ජනපදය, ජර්මනිය, ඉතාලිය සහ කැනඩාව ඇතුළු රටවලට සංචාරක තහනම පනවා ඇත.
ජෝන්ස් හොප්කින්ස් විශ්ව විද්‍යාලයේ දත්ත වලට අනුව, වසංගතය ආරම්භයේ සිට ඊශ්‍රායලය, කෝවිඩ් ආසාදන මිලියන 1.36 කට වඩා තහවුරු කර ඇති අතර මරණ 8,200 ක් පමණ වාර්තා වී තිබේ.
